2011թ.-ը ՄԱԿ-ի կողմից հայտարարվել է Անտառների միջազգային տարի: Այս կապակցությամբ «Հայանտառ»-ը բացի անտառվերականգնման և անտառապատման իր հիմնական աշխատանքներից Հայաստանի Հանրապետության մարզերում իրականացնում է ծառատնկման լրացուցիչ աշխատանքներ:Աշխատանքների յուրահատկությունը կայանում է նրանում, որ ծառատունկերին մասնակցում են ոչ միայն անտառտնտեսությունների աշխատակիցները, այլև անտառամերձ համայնքների բնակչությունը, ուսանողներ, դպրոցականներ: Ընդհանուր առմամբ վերոնշյալ աշխատանքների ընթացքում նախատեսվում է տնկել շուրջ 10 000 ծառ:

2011 թ.-ի փետրվարի 26-ին տեղի ունեցած ապօրինի հատումների դեմ պայքարի աշխատանքները համակարգող անտառների պետական մոնիտորինգի խորհրդի նիսում (այն վարում էր ՀՀ տարածքային կառավարման նախարար, փոխվարչապետ Արմեն Գևորգյանը, մասնակցում էին ՀՀ գյուղատնտեսության նախարար Սերգո Կարապետյանը, ՀՀ բնապահպանության նախարար Արամ Հարությունյանը, պետական և հասարակական կառույցների ներկայացուցիչներ), 2010թ.-ի կատարած աշխատանքների հաշվետվությամբ հանդես եկավ «Հայանտառ»-ի տնօրեն Մարտուն Մաթևոսյանը: Նրա ներկայացմամբ` 2010թ.-ին իրականացված ստուգումների արդյունքում «Հայանտառ»-ի «Անտառտնտեսություն» մասնաճյուղերում հաշվառվել են ապօրինի հատված 1532 ծառերի կոճղեր (2009թ. արձանագրվել էր 1310 ծառ):