enhy
slide
slide
slide
slide
slide
Prev
Next
ՏԵՍԱՆՅՈՒԹԵՐ
ՀԵՏԵՎԵՔ ՄԵԶ
Facebookyoutube

Lusine Hakobyan

1 2 3 11

Աշխատանքային խորհրդակցություն՝ «Հայանտառ»-ում

16.02.2018

Այսօր՝ փետրվարի 16-ին, «Հայանտառ» ՊՈԱԿ-ի տնօրեն Միքայել Մանուկյանն անցկացրել է աշխատանքային խորհրդակցություն, որին մասնակցել են տնօրենի տեղակալները, ՊՈԱԿ-ի տարբեր բաժինների պետեր, անտառտնտեսությունների տնօրեններ։

Խորհրդակցության օրակարգում ներառված են եղել 2018 թվականի փայտանյութի մթերման և իրացման առաջադրանքների կատարմանը, պետություն-մասնավոր հատվածի պայմանագրային հարաբերությունների կանանոնակարգմանը վերաբերող հարցեր։

Ի թիվս այլ հարցերի, քննարկվել են նաև հատատեղերի հատկացման, հաշվեգնահատման ցուցակների կազմման արժանահավատության բարձրացման գործում մասնաճյուղերի տնօրենների անձնական պատասխանատվությանը, 2017 թվականի հատատեղերի տեխզննման աշխատանքների կազմակերպմանը, դեբիտորական պարտքերը հավաքագրելուն վերաբերող հարցեր։

Անդրադառնալով ապօրինի հատումների դեմ պայքարին՝ «Հայանտառ»-ի տնօրեն Միքայել Մանուկյանն ընդգծել է, որ այդ ուղղությամբ կատարվող աշխատանքները պետք է շարունակական բնույթ կրեն։

1 2 3 4 5

«Հայանտառ» ՊՈԱԿ-ի լրատվական ծառայություն

«Հայանտառ»-ի տնօրենը Տավուշի մարզում ներկայացրել է բնափայտի մթերման և իրացման նոր կարգը

15.02.2018

«Հայանտառ» ՊՈԱԿ-ի տնօրեն Միքայել Մանուկյանն այսօր աշխատանքային այցով Տավուշի մարզում էր։

Մարզպետարանում տեղի ունեցած խորհրդակցության ընթացքում Մանուկյանի կողմից ներկայացվել է բնափայտի մթերման և իրացման աշխատանքները կազմակերպելու նպատակով ընդունված նոր կարգը։

Խորհրդակցությունը վարել են «Հայանտառ»-ի տնօրեն Միքայել Մանուկյանը և Տավուշի մարզպետ Հովիկ Աբովյանը, մասնակցել են Տավուշի մարզպետարանի, մարզի անտառտնտեսությունների, ՀՀ ԲՆ բնապահպանության ընդերքի տեսչական մարմնի ներկայացուցիչներ համայնքների ղեկավարներ և այլք։

Ինչպես տեղեկացրել է Միքայել Մանուկյանը, դաշտը կանոնակարգելու նպատակով, «Հայանտառ» ՊՈԱԿ-ին ամրակցված անտառներում 2018 թվականին իրականացվելիք 90596 խմ բնափայտի մթերման և իրացման աշխատանքները կազմակերպելու համար «Հայանտառ» ՊՈԱԿ-ն առաջիկայում հայտարարելու է «Արմատի վրա կանգուն ծառի առուվաճառքի», ինչպես նաև «Ծառայությունների՝ անտառտնտեսական աշխատանքների կատարման աճուրդներ և մրցույթներ»՝ յուրաքանչյուր անտառհատման տոմսի համար առանձին լոտերով։

Մանուկյանն իր խոսքում ընդգծել է, որ հատատեղերի շահագործման ընթացքում ապօրինի ծառահատումներով զբաղվող  կազմակերպությունների կամ անհատ ձեռներեցների մասնակցությունն աճուրդին կարգելվի։

Տավուշի մարզին հատկացված նախնական չափաքանակը կազմում է 36000 խմ: Հատատեղերը բաժանված են առանձին լոտերի: Յուրաքանչյուր լոտի համար աճուրդ է հայտարարվելու և այն ընկերությունները, որոնք զբաղվում են փայտանյութի շահագործմամբ և վաճառքով, տվյալ հատատեղը ձեռք բերելու համար պետք է դիմում գրեն, մասնակցեն աճուրդին: Յուրաքանչյուր լոտ ունենալու է իր անձնագիրը, որտեղ մանրամասն ներկայացված են լինելու տվյալ հատատեղը բնութագրող որակները և ըստ դրանց սահմանված է լինելու նաև գինը:

Նոր կարգի շուրջ ծավալված քննարկման ընթացքում մասնակիցները  ներկայացրել են իրենց տեսակետները։

44156 44157 44158 44163 

1 2

«Հայանտառ» ՊՈԱԿ-ի լրատվական ծառայություն

Կայացել է FLEG II-ի ղեկավար կոմիտեի վերջնական հանդիպումը

14.02.2018

«Հայանտառ» ՊՈԱԿ-ի տնօրեն Միքայել Մանուկյանը և տնօրենի առաջին տեղակալ, գլխավոր անտառապետ Ռուբեն Պետրոսյանը սույն թվականի փետրվարի 7-9-ը Վրաստանի Հանրապետության Գուրիա շրջան կատարած այցի ընթացքում մասնակցել են «Անտառային օրենսդրության կիրարկում և անտառային ոլորտի կառավարման բարելավում Եվրոպական հարևանության երկրներում և Ռուսաստանում» ծրագրի երկրորդ փուլի (FLEG II) ղեկավար կոմիտեի վերջնական հանդիպմանը։

Նշենք, որ ծրագիրն իրականցվել է Ավստրիական զարգացման գործակալության (ADA) ֆինանսավորմամբ, Եվրամիության և Համաշխարհային բանկի (WB) աջակցությամբ՝ Բնության համաշխարհային հիմնադրամի (WWF), Բնության պահպանության միջազգային միության (IUCN) կողմից։

 28124703_1628346327252247_2098670906_o 28124845_1628346300585583_1445042326_o 28125202_1628346337252246_1852331618_o (1) 28054302_1628345093919037_569189162_n

Հանդիպման մասնակիցները ներկայացրել են FLEG II-ի շրջանակներում իրականացված աշխատանքները։

«Հայանտառ»-ի տնօրենի տեղակալ Ռուբեն Պետրոսյանն իր խոսքում նշել է, որ  ծրագրի միջոցով իրականացվել է «Հայանտառ» ՊՈԱԿ-ի հատուկ պահպանվող տարածքների կառավարման բաժնի տեխնիկական վերազինում, Գանձաքարի և Իջևանի արգելավայրերի համար մշակվել է կառավարման պլան, Սյունիքի մարզում դպրոցական անտառպետության ստեղծման ուղղությամբ աշխատանքներ են իրականացվել, ստեղծվել է բրիկետների պատրաստման արտադրամաս։ Իրականացվել է նաև անտառային օրենսդրության վերլուծություն, որի հիման վրա տրվել են առաջարկներ՝ անտառային ոլորտի կառուցվածքային փոփոխությունների՝ մասնավորապես՝ անտառային կոմիտեի ստեղծման վերաբերյալ։

Պետրոսյանի խոսքով՝ կատարվել է նաև Հայաստանի անտառների հասարակական մոնիթորինգ, ինչպես նաև դասընթացներ, որոնց ընթացքում ուսուցանվել են մի շարք հմտություններ՝ ինտերակտիվ քարտեզների օգտագործման, տվյալների գրանցման և փոխանցման վերաբերյալ։

 «Հայանտառ» ՊՈԱԿ-ի լրատվական ծառայություն

Տեղեկություն՝ փայտանյութի մթերման նոր կարգի մասին

 

Ղեկավարվելով ՀՀ գյուղատնտեսության նախարարի՝ 2018 թվականի փետրվարի 6-ի N33-Ա հրամանով՝ «Հայանտառ» ՊՈԱԿ-ին ամրակցված անտառներում 2018 թվականին իրականացվելիք 90596 խմ բնափայտի մթերման և իրացման աշխատանքները կազմակերպելու համար «Հայանտառ»  ՊՈԱԿ-ն առաջիկայում հայտարարելու է «Արմատի վրա ծառատուի առուվաճառքի», ինչպես նաև «Ծառայությունների՝ անտառտնտեսական աշխատանքների կատարման աճուրդներ և մրցույթներ» յուրաքանչյուր անտառհատման տոմսի համար առանձին լոտերով։

 

«Հայանտառ» ՊՈԱԿ-ի լրատվական ծառայություն

Խնդիրները բխում են համակարգում առկա լուրջ բացթողումներից․ Ռուբեն Պետրոսյան

News.am-ը գրում է․

«Հայաստանում անտառների պաշտպանության նոր համակարգ է ներդրվելու, որի դեպքում անտառապահները կփոխարինվեն ռեյնջերներով: Վերջիններս պատշաճ կերպով պատրաստված եւ զինված կլինեն, ինչպես նաեւ օժտված կլինեն ավելի լայն իրավունքներով: Այդպես, նրանք կկարողանան ուղղակիորեն միջամտել եւ կանխել որսագողերի եւ այլոց խախտումները՝ առգրավելով վերջիններից զենքը, մեքենաները եւ որսը: Ռեյնջերները նաեւ պետության կողմից սոցիալական պաշտպանվածություն կունենան եւ բարձր աշխատավարձեր, որոնք թույլ կտան նվազագույնի հասցնել կոռուպցիոն ռիսկերը: Ըստ Ռուբեն Պետրոսյանի՝ վերջին ժամանակներս պետությունը լրջորեն սկսել է զբաղվել այս խնդրի լուծմամբ՝ մեծացնելով ծախսերը:

Իր հերթին ՀՀ բնապահպանության նախարարության աշխատակազմի Բնապահպանական պետական տեսչության պետի տեղակալ Իգոր Սարգսյանն ընդգծել է, որ նման խնդիրները նախկինում եւս եղել են, սակայն պետությունը միջոցներ է ձեռնարկում հետագայում դրանք նվազեցնելու եւ կանխելու համար»:

Մանրամասները՝ սկզբնաղբյուր կայքում։ 

Վարչապետին զեկուցվել է անտառային ոլորտի բարեփոխումների ընթացքի մասին

07․02․2018

Երեկ՝ փետրվարի 6-ին, ՀՀ վարչապետ Կարեն Կարապետյանը ծանոթացել է  ՀՀ բնապահպանության նախարարության 2017 թ. գործունեությանը։

Ծանոթանալով բնապահպանության ոլորտում 2017 թ. գերակա խնդիրների կատարման և միջոցառումների իրականացման արդյունքներին, ինչպես նաև 2018 թ. անելիքներին՝ վարչապետին զեկուցվել է նաև անտառային ոլորտի բարեփոխումների ընթացքի և «Հայանտառ» ՊՈԱԿ-ի կառուցվածքային փոփոխությունների մասին:

Կարեն Կարապետյանը նշել է, որ նախարարության կառավարման ոլորտում գտնվող ՊՈԱԿ-ները, բացի սահմանված գործառույթներից, պետք է նաև բիզնես բաղադրիչ ունենան և եկամտաբերություն ապահովեն. «Ամեն ՊՈԱԿ-ի տնօրեն պետք է իր համար հորիզոն ունենա՝ ինչ է անում. եթե ինքը շուկայում տեղ գրավելու հնարավորություն ու ներուժ ունի, մենք իրեն հստակ ասում ենք, թե որ ուղղությամբ շարժվի», – ասել է կառավարության ղեկավարը: Անդրադառնալով «Հայանտառ» ՊՈԱԿ-ի բարեփոխումներին՝ վարչապետը նշել է. «Մենք տրամադրված ենք ու «Հայանտառ»-ն անպայման դարձնելու ենք շահութաբեր, ուժեղ կառույց, ընդ որում՝ շահութաբեր, ուժեղ կառույց դարձնելու դեպքում բնապահպանական որևէ նորմ չի խախտվելու»:

13429_am_7 13429_am_9

Աղբյուրը՝ ՀՀ կառավարության պաշտոնական կայք։

«Հայանտառ»-ի տնօրենի գլխավորած պատվիրակությունը մեկնել է Վրաստան

07․02․2018

ՀՀ գյուղատնտեսության նախարարության «Հայանտառ» ՊՈԱԿ-ի տնօրեն Միքայել Մանուկյանը և տնօրենի առաջին տեղակալ, գլխավոր անտառապետ Ռուբեն Պետրոսյանը սույն թվականի փետրվարի 7-ից 9-ը աշխատանքային այցով մեկնել են Վրաստանի Հանրապետության Գուրիա շրջան՝ մասնակցելու «Անտառային օրենսդրության կիրարկում և անտառային ոլորտի կառավարման բարելավում Եվրոպական հարևանության քաղաքականության արևելյան երկրներում և Ռուսաստանում» ծրագրի երկրորդ փուլի (FLEG-II) ղեկավար կոմիտեի վերջնական հանդիպմանը։

«Հայանտառ» ՊՈԱԿ-ի լրատվական ծառայություն

Տարիներ ի վեր անտառների պահպանության գործող մեխանիզմը ճիշտ չի եղել. Միքայել Մանուկյան

Yerkir.am կայքը գրում է․

«Նախորդ տարվա դեկտեմբերի 19-ին ՀՀ նախագահ Սերժ Սարգսյանը անտառային պետական կոմիտե ստեղծելու մասին հրամանագիր ստորագրեց։ Կոմիտեն կգործի ՀՀ բնապահպանության նախարարության համակարգում։

Անտառային պետական կոմիտեի կարգավիճակը որքանո՞վ կնպաստի ոլորտում առկա խնդիրներն ու բացերն առավելագույնս շտկելուն։ Այս և մի շարք այլ հարցերի շուրջ Yerkir.am-ը զրուցել է «Հայանտառ» ՊՈԱԿ-ի տնօրեն Միքայել Մանուկյանի հետ։

-Պարո՛ն Մանուկյան, շուրջ կես տարի է` ղեկավարում եք «Հայանտառ»-ը։ Ձեր հարցազրույցներից մեկում նշել եք, որ պաշտոնավարման սկզբնական փուլը Ձեզ համար ավելի շատ ուսումնասիրությունների, ոլորտի նրբությունները պատկերացնելու փուլ էր։ Այժմ կարո՞ղ եք ասել՝ որո՞նք են առկա կարևոր և առանցքային խնդիրները, և ի՞նչ կոնկրետ աշխատանքներ եք կատարել ու կատարում այդ ուղղությամբ։

-«Հայանտառ»-ի կարևորագույն խնդիրն այսօր անտառների արդյունավետ պահպանության հարցն է։ Տարիներ ի վեր անտառների պահպանության գործող մեխանիզմը ճիշտ չի եղել, գործիքակազմը թերի է, ինչի արդյունքում առաջացել են բազմաթիվ խնդիրներ։ Պետական կոմիտեի կարգավիճակը հնարավորություն կտա, որ շատ հարցեր պատշաճ լուծում ստանան։ Մասնավորապես` մենք  կունենանք պահպանության առանձին պետական ծառայություն, որն օժտված կլինի լուրջ իրավասություններով,  գործիքակազմով։ Նշյալ ծառայությունը զուտ անտառի պահպանություն կիրականացնի։

-Այսինքն՝ ՊՈԱԿ-ի լիազորությունները թույլ չե՞ն տալիս արդյունավետ պահպանություն իրականացնել, մինչդեռ կոմիտեի լիազորությունների ավելի լայն շրջանակն այդ խնդիրը կլուծի՞։

-Այս պահի դրությամբ «Հայանտառ» ՊՈԱԿ-ն իր կազմում անտառային պետական ծառայություն ունենալու իրավասություն չունի, իսկ կոմիտեի կարգավիճակը տալիս է այդ հնարավորությունը։ Ներկայումս մեր անտառների պահպանությունը վերապահված է անտառապահներին, ովքեր չունեն բավարար գործիքակազմ, լիազորություններ՝ արդյունավետ աշխատելու համար։ Անտառապահների աշխատանքը 9։00-18։00-ն է։ Պահպանության ծառայության ներդրմամբ այս լուրջ խնդիրը ևս լուծվելու է. գործելու է 24-ժամյա պահպանության ռեժիմ՝ հագեցած անհրաժեշտ գործիքակազմով, լուրջ հսկողության տակ է առնվելու փայտանյութի տեղաշարժը։ Պահպանության մասով զբաղվելու է պահպանության ծառայությունը, իսկ անտառի կայուն կառավարման մյուս հարցերն արդեն վերապահված են լինելու կոմիտեի կազմում գործող ՊՈԱԿ-ին։ Նախատեսում ենք նաև անտառային տարածքներում զբոսաշրջության զարգացման  համար անհրաժեշտ ենթակառուցվածքներ հիմնել,  մասնավորապես՝ զբոսաշրջային նոր երթուղիներ մշակել, հանգստի գոտիներ, վրանային ճամբարներ, գիշերակացներ ստեղծել և շահագործել։ Ուսումնասիրել ենք այս բնագավառում տարբեր երկրներում իրականացվող աշխատանքները, և պետք է ասեմ, որ  հարևան Վրաստանի փորձը բավականին հաջողված եմ համարում։ 

-Ո՞րն է լինելու անտառային պետական կոմիտեի գործառույթը։

-Կոմիտեն գործելու է ՀՀ բնապահպանության նախարարության համակարգում։ Նախարարությունը մշակելու է ՀՀ անտառային ոլորտի քաղաքականությունը, իսկ կոմիտեն իրականացնելու է այն։ Անտառների պահպանությունը՝ պահպանության ծառայության միջոցով, իսկ անտառների կայուն կառավարումը՝ ՊՈԱԿ-ի միջոցով»։

Մանրամասները՝ սկզբնաղբյուր կայքում։ 

«Հայանտառ» ՊՈԱԿ-ի անտառտնտեսությունների 2017 թվականի գործունության ամփոփ նկարագիր (մաս II)

30. 01. 2018

«Գյումրիի անտառտնտեսություն» մասնաճյուղ

«Հայանտառ» ՊՈԱԿ-ի «Գյումրիի անտառտնտեսություն» մասնաճյուղի անտառները և անտառային հողերը կազմում են 4737 հա, որից անտառածածկ` 2000 հա:

2017 թվականի ընթացքում անտառտնտեսությունում իրականացվել են ծառատնկման աշխատանքներ՝ 2.0 հա տարածքում: «Հայանտառ» ՊՈԱԿ-ի սեփական եկամուտների հաշվին կատարվել է նախորդ տարիներին հիմնադրված անտառմշակույթների խնամք՝ 10 հա տարածքում: Անցյալ տարվա ընթացքում անտառտնտեսությունում արձանագրվել է անտառային հրդեհի 1 դեպք՝ 15,0 հա ընդհանուր տարածքով, որից 8,0 հա` անտառածածկ, իսկ 7,0 հա` ոչ անտառածածկ տարածքում:

2017 թվականի դեկտեմբերի 31-ի դրությամբ անտառտնտեսության աշխատակիցների կողմից արձանագրվել են 0,25 խմ ծավալով ապօրինի հատված սոճու ճյուղեր, որի վերաբերյալ կազմվել է անտառխախտման արձանագրություն և ուղարկվել է մարզի տարածքային բնապահպանական պետական տեսչություն:

Սյունիքի մարզի «անտառտնտեսություն» մասնաճյուղեր

 «Հայանտառ» ՊՈԱԿ-ի Սյունիքի մարզի անտառային հողերը կազմում են 60203 հա, որից անտառածածկ` 49990.5 հա:

Անտառային հողերի կառավարման նպատակով ստեղծված են 3 «անտառտնտեսություն» մասնաճյուղեր․

  1. «Սյունիքի անտառտնտեսություն» մասնաճյուղ – 16530.0 հա
  2. «Կապանի անտառտնտեսություն» մասնաճյուղ – 38253.0 հա
  3. «Սիսիանի անտառտնտեսություն» մասնաճյուղ – 5420.0 հա

2017 թվականի ընթացքում Սյունիքի մարզի անտառտնտեսություններում իրականացվել են ծառատնկման աշխատանքներ՝ 9.0 հա տարածքում, այդ թվում․

Սյունիքի անտառտնտեսությունում – 3,0 հա

Կապանի անտառտնտեսությունում – 4,5 հա

Սիսիանի անտառտնտեսությունում – 1,5 հա

Անցյալ տարվա դեկտեմբերի 31-ի դրությամբ Սյունիքի մարզի «անտառտնտեսություն» մասնաճյուղերի կողմից արձանագրվել է ապօրինի հատված 111 ծառ, այդ թվում․

Կապանի անտառտնտեսությունում – 77 ծառ

Սյունիքի անտառտնտեսությունում – 29 ծառ

Սիսիանի անտառտնտեսությունում – 5 ծառ:

2017 թվականի ընթացքում «Կապանի անտառտնտեսություն»- ում արձանագրվել է անտառային հրդեհի 5 դեպք՝ 34.0 հա ընդհանուր տարածքով, որից 25.5 հա` անտառածածկ, իսկ 8.5 հա` ոչ անտառածածկ տարածքում:

«Սյունիքի անտառտնտեսություն»-ում արձանագրվել է անտառային հրդեհի 1 դեպք՝ 0.2 հա ոչ անտառածածկ տարածքում:  

Անցյալ տարվա ընթացքում մարզի «անտառտնտեսություն» մասնաճյուղերում մթերվել է 5337.48 խմ փայտանյութ, որից շինափայտ՝ 262.29 խմ:

Սյունիքի մարզի անտառամերձ համայնքների բնակչությանը թափուկից անվճար տրամադրվել է 3329.5 պահեստային խմ վառելափայտ: 

Տավուշի մարզի «անտառտնտեսություն» մասնաճյուղեր

 «Հայանտառ» ՊՈԱԿ-ի Տավուշի մարզի անտառները և անտառային հողերը կազմում են 118087.0 հա, որից անտառածածկ` 104857,6 հա:

Անտառային հողերի կառավարման նպատակով ստեղծված են 4 «անտառտնտեսություն» մասնաճյուղեր․

  1. Արծվաբերդի անտառտնտեսություն – 42837.0 հա
  2. Իջևանի անտառտնտեսություն – 25512.0 հա
  3. Նոյեմբերյանի անտառտնտեսություն – 29254.0 հա
  4. Սևքարի անտառտնտեսություն – 20484.0 հա

2017 թվականին շաբաթօրյակների միջոցով իրականացվել են ծառատնկման աշխատանքներ՝ 18.0 հա տարածքում, այդ թվում․

Արծվաբերդի անտառտնտեսությունում– 3.0 հա

Իջևանի անտառտնտեսությունում – 4.0 հա

Սևքարի անտառտնտեսությունում – 2.0 հա

Նոյեմբերյանի անտառտնտեսությունում- 9.0 հա

Նոյեմբերյանի անտառտնտեսությունում շաբաթօրյակի միջոցով իրականացվել է նաև նախորդ տարիներին հիմնադրված անտառմշակույթների լրացում՝ 17.2 հա տարածքում:

«Հայանտառ» ՊՈԱԿ-ի սեփական եկամուտների հաշվին Արծվաբերդի անտառտնտեսությունում իրականացվել են նախորդ տարիներին հիմնադրված անտառմշակույթների ագրոտեխնիկական խնամք 15 հա և խնամք՝ խոտհունձի միջոցով՝ 3.5 հա տարածքում:

2017 թվականի դեկտեմբերի 31-ի դրությամբ մարզի «անտառտնտեսություն» մասնաճյուղերի կողմից արձանագրվել է ապօրինի հատված 546 ծառ, այդ թվում․   

Արծվաբերդի անտառտնտեսություն– 170 ծառ  

Իջևանի անտառտնտեսություն– 286 ծառ

Նոյեմբերյանի անտառտնտեսություն– 67 ծառ

Սևքարի անտառտնտեսություն– 23 ծառ:

2017 թվականին մարզի անտառտնտեսություններում անտառային հրդեհների դեպքեր չեն արձանագրվել: Անցյալ տարվա ընթացքում մթերվել է 8363.64 խմ փայտանյութ, որից շինափայտ՝ 838.94 խմ: Տավուշի մարզի անտառամերձ համայնքների բնակչությանը թափուկից անվճար տրամադրվել է 41946.2 պահեստային խմ վառելափայտ: 

«Վայոց ձորի անտառտնտեսություն» մասնաճյուղ

«Հայանտառ» ՊՈԱԿ-ի «Վայոց ձորի» անտառտնտեսություն մասնաճյուղի անտառները և անտառային հողերը կազմում են 15046.7 հա, որից անտառածածկ` 7656.2 հա:

Տեղեկացնենք, որ 2017 թվականի ընթացքում անտառտնտեսությունում  իրականացվել են ծառատնկման աշխատանքներ՝ 4.9 հա տարածքում: Անցյալ տարվա ընթացքում անտառտնտեսությունում արձանագրվել է անտառային հրդեհների 2 դեպք՝ 231.45 հա ընդհանուր տարածքով, որից 183.45 հա` անտառածածկ, իսկ 48.0 հա` ոչ անտառածածկ տարածքում:

«Հայանտառ» ՊՈԱԿ-ի լրատվական ծառայություն

1 2 3 11