enhy
slide
slide
slide
slide
slide
Prev
Next
ՏԵՍԱՆՅՈՒԹԵՐ
ՀԵՏԵՎԵՔ ՄԵԶ
Facebookyoutube
ԹԵԺ ԳԻԾ

Lusine Hakobyan

1 8 9 10 11 12 15

«Հայանտառ»-ը շարունակում է պայքարել ապօրինի ծառահատումների դեմ

ՀՀ գյուղատնտեսության նախարարության «Հայանտառ» ՊՈԱԿ-ը շարունակում է պայքարել ապօրինի ծառահատումների դեմ։ Հնարավոր ապօրինի փայտանյութ տեղափոխող ավտոմեքենաները հայնտաբերելու նպատակով «Հայանտառ» պետական ոչ առևտրային կազմակերպության հսկողության, անտառների պահպանության և պաշտպանության և արտադրության կազմակերպման բաժինների աշխատակիցներիը 12․ 09․ 2017-ից մեկամսյա ժամկետով գործուղվել են Գեղարքունիքի և Լոռու մարզեր՝ ոստիկանության աշխատակիցների հետ համատեղ հսկող հենակետեր ստեղծելու համար։

Տեղեկացնենք, որ հենակետերը ժամանակավորապես չեն գործել շաբաթ և կիրակի օրերին, սակայն, երկուշաբթի օրվանից վերականգնվել է դրանց գործունեությունը։

«Հայանտառ»-ը շարունակում է պայքարել ապօրինի ծառահատումների դեմ

20․ 09․ 2017 

ՀՀ գյուղատնտեսության նախարարության «Հայանտառ» ՊՈԱԿ-ը շարունակում է պայքարել ապօրինի ծառահատումների դեմ։ Հնարավոր ապօրինի փայտանյութ տեղափոխող ավտոմեքենաները հայնտաբերելու նպատակով «Հայանտառ» պետական ոչ առևտրային կազմակերպության հսկողության, անտառների պահպանության և պաշտպանության և արտադրության կազմակերպման բաժինների աշխատակիցներիը 12․ 09․ 2017-ից  գործուղվել են Գեղարքունիքի և Լոռու մարզեր՝ ոստիկանության աշխատակիցների հետ համատեղ հսկող հենակետեր ստեղծելու համար։

Տեղեկացնենք, որ հենակետերը ժամանակավորապես չեն գործել անցած շաբաթ և կիրակի օրերին, սակայն, երկուշաբթի օրվանից հենակետերի գործունեությունը վերականգնվել է։ 

 

Հանկարծամահ է եղել «Հայանտառ»-ի պահպանության և պաշտպանության բաժնի պետը

20․09․ 2017

Ցավով տեղեկացնում եք, որ երեկ երեկոյան հանկարծամահ է եղել «Հայանտառ» ՊՈԱԿ-ի պահպանության և պաշտպանության բաժնի պետ Մուշեղ Խլղաթյանը։

Հայտնում ենք, որ Խլղաթյանի հոգեհանգստի արարողությունը տեղի կունենա այսօր, ժամը 18։00-ին՝ Կոտայքի մարզի Քարաշամբ գյուղում (3-րդ փողոց, 3-րդ տուն):

 «Հայանտառ» ՊՈԱԿ-ի աշխատակազմը ցավակցություն է հայտնում Խլղաթյանի հարազատներին, բարեկամներին և ընկերներին։

«Հայանտառ» ՊՈԱԿ-ի լրատվական ծառայություն

Անտառների կայուն կառավարման չափանիշների և ցուցանիշների սահմանում․ աշխատաժողով՝ Երևանում

15․ 09․ 2017

Եվրոպայի տնտեսական հանձնաժողովը (UNECE) և ՄԱԿ-ի Պարենի և գյուղատնտեսության կազմակերպությունը՝ ՀՀ գյուղատնտեսության նախարարության «Հայանտառ» ՊՈԱԿ-ի աջակցությամբ, սույն թվականի սեպտեմբերի 13-ին կազմակերպել է եռօրյա աշխատաժողով, որը  նպատակ ունի սահմանել Հայաստանի անտառների կայուն կառավարման չափանիշները և ցուցանիշները։ Աշխատաժողովին մասնակցություն են ունեցել անտառների պահպանության  փորձագետներ՝ կառավարությունից, կրթական հաստատություններից, հասարակական կազմակերպություններից։ 

Տեղեկացնենք, որ անտառների կայուն կառավարման համապատասխան չափանիշներ և ցուցանիշներ սահմանելու հայեցակարգը ընդունվել է 1992 թվականին՝ Ռիո դե Ժանեյրո քաղաքում տեղի ունեցած գագաթնաժողովի ժամանակ։

Շատ երկրներ արդեն իսկ ընդունել և կիրառում են անտառների կայուն կառավարման իրենց ազգային չափանիշները և ցուցանիշները, և ներկայումս Հայաստանը միանում է այդ երկրների շարքին։ Այս հայցեցակարգը կիրառվում է ինչպես տարածաշրջանի, այնպես էլ՝ միջազգային մակարդակում, որի վառ օրինակներ են Մոնրեալի գործընթացը, Համաեվրոպական գործընթացը և ՊԳԿ-ի անտառային ռեսուրսների գնահատումը։

«Անտառային ծածկույթի ընդլայնումը հիմնական նպատակներից մեկն է Հայաստանի համար՝ ոչ միայն անտառների պաշտպանական դերից ելնելով, այլ նաև անտառների հետ առնչվող բիզնեսները զարգացնելու և բնակչությանը վառելափայտով ապահովելու տեսանկյունից»,- իր ելույթում նշել է ECE/FAO-ի անտառաբուծության բաժնի փոխտնօրեն Եկրեմ Յազիցին՝ հավելելով․ «Անտառների կայուն կառավարման ցուցանիշները կարող են կարևոր տեղեկատվություն տրամադրել Հայաստանի անտառային ռեսուրսների վերաբերյալ և նպաստել ապացույցների հիման վրա քաղաքականության մշակմանը»։

Տեղեկացնենք, որ «Կովկասում և Կենտրոնական Ասիայում անտառների կայուն կառավարման հաշվապահական համակարգեր» ծրագիրն իրականացվում է Հայաստանում, Վրաստանում, Ղազախստանում, Ղրղզստանում և Ուզբեկստանում։

 2016-2019թթ․ին իրականացվող ծրագիրը ֆինանսավորվում է ՄԱԿ-ի Զարգացման նախաձեռնության միջոցով։ Այն նպատակ ունի հզորացնելու անտառտնտեսության ոլորտը և օգնել երկրներին կատարելու իրենց միջազգային պարտավորությունները։

 

 

 

«Հայանտառ»-ի հետևողականության արդյունքում կնքվել է աղբահանության պայմանագիր

14․ 09․ 2017

Սյունիքի մարզի Տաթև համայնքին կից և «Հայանտառ» ՊՈԱԿ-ի «Սյունիքի անտառտնտեսություն» մասնաճյուղի որոշակի հատվածն ընդգրկող  անտառային տարածքի սանիտարահիգիենիկ պատշաճ վիճակի ապահովման ուղղությամբ աշխատանքները շարունակական բնույթ են կրում։

«Հայանտառ» ՊՈԱԿ-ի աշխատակիցները մշտապես մասնակցություն են ունեցել տարածքի աղբահանության կազմակերպմանը, սակայն, հաշվի առնելով հանգամանքը, որ տարածքը զբոսաշրջային երթուղու մաս է կազմում, անխուսափելի է դառնում դրա՝  պարբերական աղտոտումը։

«Հայանտառ»-ի  հետևողականության արդյունքում բնակչության հանգստի կազմակերպման համար անտառային տարածքը վարձակալած «Սյուն» ՀԿ-ն և Տաթևի համայքապետարանը կնքել են աղբահանության պայմանագիր։

Տեղեկացնենք, որ ընդհանուր օգտագործման և վարձակալության չհանձնված տարածքների սանիտարական պատշաճ վիճակը հոգում են «Հայանտառ» ՊՈԱԿ-ի «Սյունիքի անտառնտեսություն» մասնաճյուղի աշխատակիցները։

 

«Հայանտառ» ՊՈԱԿ-ի լրատվական ծառայություն

1 2 3 4

Քննարկվել են վնասված անտառային տարածքների վերականգնմանն ուղղված աշխատանքների հնարավորությունները

12․ 09․ 2017 

ՀՀ Արագածոտնի մարզի Բյուրական գյուղի մերձակայքում սեպտեմբերի 3-ից բռնկված հրդեհը սեպտեմբերի 9-ի դրությամբ մարվել է, հետմարման աշխատանքներն ավարտվել են:

Հիշեցնենք՝ հրդեհի սկզբնական բռնկումը Ղազարավան (Նազրվան) գյուղի սկզբնամասում է եղել և քամու հետևանքով տարածվել է՝ ընդգրկելով հարակից, այդ թվում՝ «Հայանտառ» ՊՈԱԿ-ի «Արագածոտնի անտառտնտեսություն» մասնաճյուղի անտառային տարածքների որոշակի հատվածը։

Հրդեհի հետևանքով՝ «Արագածոտնի անտառտնտեսություն» մասնաճյուղի անտառային կենսաբազմազանությանը պատճառված վնասի հստակ չափը հնարավոր կլինի գնահատել վեգետացիոն շրջանում։ Նախնական տվյալներով՝ այրվել է շուրջ 177 հա անտառային տարածք, որից անտառապատ՝ 103 հա։

Տեղեկացնենք, որ այրվել են հիմնականում բնաշիվային աճի կաղնիներ, դրանց ուղեկցող այլ ծառատեսակներ՝ թխկիներ, հացենիներ, սոճենիներ, առանձին աճող որոշ պտղատու ծառեր (ալոճենի, վայրի տանձենի)։ Կաղնիներին պատճառված վնասի չափը կազմում է առնվազն 15-20 տոկոս, ըստ նախնական տվյալների՝ գարնանը՝ վեգետացիոն շրջանում, կաղնիների առնվազն 80 տոկոսը կշարունակեն բնականոն աճը։

Երեկ՝ սեպտեմբերի 11-ին, «Հայանատառ» ՊՈԱԿ-ի տնօրեն Միքայել Մանուկյանը, տնօրենի տեղակալ Ռուբեն Կարապետյանը, Անտառների և անտառային հողերի բաժնի պետ Արա Մեջլումյանը եղել են  Արագածոտնի մարզում, անտառային տարածքներում ուսումնասիրություններ են կատարել, գնահատել իրավիճակը, քննարկվել են վնասված անտառային տարածքների վերականգնմանն ուղղված աշխատանքների հնարավորությունները, տեխզննման արդյունքում առանձնացվել են այն հատվածները, որտեղ հնարավոր է իրականացնել անտառվերականգնման աշխատանքներ։

Այս պահին էլ «Հայանտառ» ՊՈԱԿ-ի և ԱԻՆ-ի  աշխատակիցները հերթապահություն են իրականացնում հրդեհն ընդգրկած անտառային և հարակից տարածքներում։

 «Հայանտառ» ՊՈԱԿի լրատվական ծառայություն

Շահագործման է հանձնվել «Հայանտառ»-ի առաջին փայտամշական արտադրամասը

«Հայանտառ» ՊՈԱԿ-ի «Նոյեմբերյանի անտառտնտեսություն» մասնաճյուղում  սույն թվականի սեպտեմբերի 1-ին շահագործման է հանձնվել «Հայանտառ»-ի առաջին փայտամշական արտադրամասը, որտեղ մեկնարկել է տախտակի և գյուղատնտեսական մթերքների համար նախատեսված արկղերի արտադրությունը։

Տեղեկացնենք, որ մինչև տարեվերջ նախատեսվում է նմանօրինակ արտադրամաս ստեղծել «Հայանտառ»-ի ևս չորս անտառտնտեսություններում։

Հայտնենք նաև, որ ընդունվում են գյուղատնտեսական մթերքների համար նախատեսված արկղերի պատրաստման պատվերներ, ինչպես նաև, իրականցվում է պատրաստի արկղերի վաճառք։

Մանրամասների համար դիմել «Հայանտառ» ՊՈԱԿ-ի արտադրության կազմակերպման բաժին (հեռ․՝ 093 50 02 01)։ 

 

 

Բյուրականի մերձակայքում բռնկված հրդեհի հետմարման աշխատանքներն ընթացի մեջ են

08.09.2017

ՀՀ Արագածոտնի մարզի Բյուրական գյուղի մերձակայքում սեպտեմբերի 3-ից բռնկված հրդեհը մարվել է, հետմարման աշխատանքներն ընթացի մեջ են։

Հիշեցնենք՝ հրդեհի սկզբնական բռնկումը Ղազարավան (Նազրվան) գյուղի սկզբնամասում է եղել և քամու հետևանքով տարածվել է՝ ընդգրկելով հարակից, այդ թվում՝ «Հայանտառ» ՊՈԱԿ-ի  «Արագածոտնի անտառտնտեսություն» մասնաճյուղի անտառային տարածքների որոշակի հատվածը։

Հրդեհի հետևանքով «Արագածոտնի անտառտնտեսություն» մասնաճյուղի անտառային կենսաբազմազանությանը պատճառված վնասի հստակ չափը հնարավոր կլինի գնահատել վեգետացիոն շրջանում, սակայն, տեղեկացնենք, որ այրվել են հիմնականում բնաշիվային աճի կաղնիներ, դրանց ուղեկցող այլ ծառատեսակներ՝ թխկիներ, հացենիներ։ Նախնական տվյալներով՝ անտառային կենսաբազմազանությանը հասցված վնասի չափը մեծ չէ։

«Հայանտառ» ՊՈԱԿ-ի լրատվական ծառայություն

Բյուրականում իրականացվել է հանդիպակաց հրդեհի կազմակերպում

07.09.2017

ՀՀ Արագածոտնի մարզի Բյուրական գյուղի մերձակայքում սեպտեմբերի 3-ից բռնկված հրդեհն ամբողջությամբ չի մարվել, սակայն, իրավիճակը վերահսկելի է և աշխատանքներ են տարվում հրդեհի ամբողջական մարման ուղղությամբ։ Հիշեցնենք՝ հրդեհի սկզբնական բռնկումը Ղազարավան (Նազրվան) գյուղի սկզբնամասում է եղել և քամու հետևանքով տարածվել է՝ ընդգրկելով հարակից, այդ թվում՝ «Հայանտառ» ՊՈԱԿ-ի  «Արագածոտնի անտառտնտեսություն» մասնաճյուղի անտառային տարածքների որոշակի հատվածը։

Հրդեհաշիջման աշխատանքներում ներգրավված են ինչպես «Արագածոտնի անտառտնտեսություն» մասնաճյուղի, այնպես էլ՝ «Գուգարքի անտառտնտեսության» աշխատակիցներ։

Սեպտեմբերի 5-ի լույս 6-ի գիշերվա ընթացքում «Գուգարքի անտառտնտեսություն» մասնաճյուղի աշխատակիցների կողմից կազմված հրդեհաշիջման խումբը՝ «Հայանտառ» ՊՈԱԿ-ի տնօրենի տեղակալ Ռուբեն Կարապետյանի գլխավորությամբ,  ձեռնամուխ է եղել  հրդեհաշիջման հատուկ օպերացիայի, որի միջոցով հնարավոր է եղել կանխել հրդեհի առավել շատ տարածումը՝ դեպի անտառային տարածքներ։ 7-10 կմ ճակատով իրականացվել է հանդիպակաց հրդեհի կազմակերպում, որի շնորհիվ ստեղծվել է չեզոք (բուֆերային) գոտի, որպեսզի հրդեհը չտարածվի հարակից անտառի ուղղությամբ։ Աշխատանքներն իրականացվել են մինչև 8։00։

Երեկ ողջ օրվա ընթացքում բռնկումները շարունակվել են, հրդեհաշիջման աշխատանքներին մասնակցել են «Հայանտառ»-ի, ԱԻՆ-ի աշխատակիցներ և շրջակա գյուղերի բնակիչներ։

Հրդեհի հետևանքով «Արագածոտնի անտառտնտեսություն» մասնաճյուղի անտառային կենսաբազմազանությանը պատճառված վնասի հստակ չափը հնարավոր կլինի գնահատել վեգետացիոն շրջանում, սակայն, տեղեկացնենք, որ այրվել են հիմնականում բնաշիվային աճի կաղնիներ, դրանց ուղեկցող այլ ծառատեսակներ՝ թխկիներ, հացենիներ։  Նախնական տվյալներով՝ անտառային կենսաբազմազանությանը հասցված վնասի չափը մեծ չէ։

«Հայանտառ» ՊՈԱԿ-ի լրատվական ծառայություն

1 8 9 10 11 12 15