enhy
slide
slide
slide
slide
slide
Prev
Next
ՏԵՍԱՆՅՈՒԹԵՐ
ՀԵՏԵՎԵՔ ՄԵԶ
Facebookyoutube
ԹԵԺ ԳԻԾ

Lusine Hakobyan

Անտառային կոմիտեն կազմակերպում է տարածքի վարձակալության հանձնման մրցույթ

07․08․2018

Կազմակերպվում է մրցույթ ՀՀ ԲՆ անտառային կոմիտեի «Հայանտառ» պետական ոչ առևտրային կազմակերպության Տավուշի մարզի «Սևքարի անտառտնտեսություն» մասնաճյուղի Աչաջրի անտառպետության տարածքում գտնվող պետական սեփականություն հանդիսացող անտառային նշանակության հողերից  (կադաստրային ծածկագիր՝ 11-028-0125-0011) 0,2 հա տարածքը (կցվում է տեղազննման ակտը) մինչև 60 տարի ժամկետով հանգստի և զբոսաշրջության նպատակներով վարձակալության իրավունքով տրամադրելու համար:

Մրցույթի անցկացման վերաբերյալ հրապարակային ծանուցմանը և հայտի ձևին կարող եք ծանոթանալ ստորև․

Հրապարակային ծանուցում 

Հայտի ձև

 

Քաղաքացիների ընդունելություն՝ ԲՆ անտառային կոմիտեի նախագահի մոտ

31․07․2018

ԲՆ անտառային կոմիտեի նախագահ Միքայել Մանուկյանի մոտ քաղաքացիների՝ օգոստոս ամսվա ընդունելությունը կկայանա ամեն ուրբաթ, ժամը՝ 11։00-13։00։

Ընդունելության համար հերթագրվել ցանկացողները կարող են դիմել ԲՆ անտառային կոմիտե (ք․Երևան․ Արմենակյան 129, 3-րդ հարկ) կամ զանգահարել 010 65 17 38, 010 65 02 12  հեռախոսահամարներով։

 

 

«Հրազդանի անտառտնտեսություն»-ում քննարկվել են անտառկառավարման պլանների մշակման, հողերի սահմանների ճշգրտմանը վերաբերող հարցեր

20.07.2018

ԲՆ անտառային կոմիտեի Հայանտառ ՊՈԱԿ-ի «Հրազդանի անտառտնտեսություն»-ում տեղի է  ունեցել աշխատանքային քննարկում՝ «Հրազդանի անտառտնտեսություն» մասնաճյուղի  հողերի սահմանների ճշգրտման, քարտեզագրման, կառավարման պլանի նախագծի մշակման և անտառտնտեսության կազմում գտնվող Արզական-Մեղրաձոր պետական արգելավայրի սահմանների և կառավարման պլանի վերանայման վերաբերյալ:

Հայտնենք, որ նշված աշխատանքները ֆինանսավորվում են ԳՄՀԸ Կենսաբազմազանության ինտեգրված կառավարումը Հարավային Կովկասում /ԿԻԿ/ ծրագրի շրջանակներում: 2013–2014 թթ-ին Կովկասի բնության հիմնադրամի ֆինանսական աջակցությամբ իրականացվել են Արզական-Մեղրաձորի արգելավայրի քարտեզագրման և կառավարման պլանավորման գործողություններ: Արդյունքում մշակվել են նախագծեր, որոնք պետք է վերանայվեն և ներառվեն «Հրազդանի անտառտնտեսություն» մասնաճյուղի  ամբողջական տարածքը ներկայացնող փաստաթղթերում:

Հանդիպմանը ներկա էին  ԲՆ անտառային կոմիտեի նախագահի տեղեկալ Վահե Մացակյանը, անտառտնտեսության,  Կոտայքի մարզպետարանի, հասարակական կազմակերպությունների, խորհրդատու ընկերության և ԿԻԿ ծրագրի ներկայացուցիչներ:

Վահե Մացակյանն իր խոսքում կարևորագույն խնդիր է համարել  անտառային հողերի և այլ նպատակային նշանակություն ունեցող հողերի  սահմանային անճշտության հարցը։ Բարձրացված խնդրի վերաբերյալ մտահոգություն են հայտնել նաև Կոտայքի մարզպետարանի ներկայացուցիչները։

Հանդիպման սկզբում ներկայացվել են անտառային տնտեսության կառավարման պլանների հրահանգի պահանջները: Խորհրդատու ընկերության կողմից ներկայացվել են  անտառտնտեսության և հարակից համայնքների սահմաններին, դրանց կադաստրային գրանցմանը, անտառների գույքագրմանը, գնահատմանը և տվյալների բազայի պատրաստմանը և կենսաբազմազանությանն առչնվող խնդիրները, քննարկվել են դրանց  լուծման հնարավոր տարբերակները։

 Հանդիպման ընթացքում նաև շեշտվել է անտառշինության համար պատասխանատու մարմինների և աշխատանքներն իրականացնողների միջև արդյունավետ համագործակցության, հաշվետվողականության և հսկողության կարևորությունը՝ աշխատանքների բոլոր փուլերում, որոնց ուղղությամբ քննարկումները դեռ պետք է շարունակվեն:

8 97

 

Աշխատանքային խորհրդակցություն՝ Տավուշի մարզում

19․07․2018

 ՀՀ ԲՆ անտառային կոմիտեի նախագահ Միքայել Մանուկյանը, «Հայանտառ»-ի տնօրենի պաշտոնակատար Արտակ Չոբանյանը երեկ՝ հուլիսի 18-ին, մասնակցել են Տավուշի մարզպետարանում հրավիրված աշխատանքային խորհրդակցությանը, որի ընթացքում քննարկվել են անտառային տարածքներից բնակչությանը թափուկների տրամադրման հետ կապված հարցեր։

Խորհրդակցությունն անցկացրել է Տավուշի մարզպետ Վահե Ղալումյանը, մասնակցել են Տավուշի մարզի դատախազ Վիկտոր Գրիգորյանը, ոստիկանության մարզային վարչության և բաժինների պետեր, անտառտնտեսությունների ներկայացուցիչներ:

ԲՆ անտառային կոմիտեի նախագահ Միքայել Մանուկյանն իր խոսքում առաջարկել է առկա խնդիրները վերլուծել համատեղ՝ կարևորելով համայնքների ղեկավարների հետ աշխատանքը։ Նա նաև կարևորել է թափուկների տրամադրման վերահսկման մեխանիզմը։ Թափուկների տրամադրման համար առաջարկվել է ըբնտրել կոնկրետ ժամանակ: Մանուկյանը տեղեկացրել է նաև, որ թափուկի նկարագիրը հաստատված է օրենքով:

Մարզպետ Վահե Ղալումյանն ընդգծել է, որ խնդիրը ոչ միայն սոցիալական է, այլև բնապահպանական և այստեղ շատ կարևոր է հարցին առնչվող բոլոր օղակների համագործակցված աշխատանքը: Մարզպետի խոսքով՝ անտառների պահպանությունը մարզի համար ռազմավարական նշանակության հարց է:

Քննարկման մասնակիցները ներկայացրել են նաև իրենց տեսակետներն ու մոտեցումները։ Խորհրդակցության ավարտին մարզպետ Վահե Ղալումյանն ընդգծել է, որ նման հանդիպումներն ու քննարկումները պարբերական բնույթ են կրելու։

50286

 

 

«Հայանտառ»-ի «Կապանի անտառտնտեսություն» մասնաճյուղին է հանձնվել 8 ամենագնաց ավտոմեքենա

16․07․2018

Բնապահպանության նախարար Էրիկ Գրիգորյանն այսօր մասնակցել է ԲՆ անտառային կոմիտեի «Հայանտառ» ՊՈԱԿ-ի «Կապանի անտառտնտեսություն» մասնաճյուղին 7 UAZ Hunter և 1 UAZ PICK-UP ավտոմեքենայի հանձնման արարողությանը։
Մեքենաները տրամադրվել են գերմանական KfW բանկի ֆինանսավորմամբ իրականացվող «Պահպանվող տարածքների աջակցման ծրագիր-Հայաստան» (ՊՏԱԾ-Հ) ծրագրի կողմից, որի շրջանակներում աջակցություն է ցուցաբերվում նաև կենսաբազմազանության պահպանության վրա ուղղակի ազդեցություն ունեցող Սյունիքի մարզի պետական կառույցներին:
Բնապահպանության նախարար Էրիկ Գրիգորյանն իր խոսքում կարևորել է անտառային ոլորտում մեկնարկած լայնածավալ բարեփոխումների արդյունավետ իրականացման համար նման աջակցությունների ցուցաբերումը։ 
««Հայանտառ» ՊՈԱԿ-ի տարածքային կառույցների ավելի բարձր տեխնիկական հագեցվածությունը կբարձրացնի նրանց կողմից իրականացվող անտառների պահպանման արդյունավետությունը։ «Պահպանվող տարածքների աջակցման ծրագիր-Հայաստան» ծրագրի առանձնահատկությունն այն է, որ բացի բնապահպանական բաղադրիչից, այն ունի սոցիալ-տնտեսական բաղադրիչներ։ Համաշխարհային փորձը փաստում է, որ բնապահպանական ծրագրերն արդյունավետ են իրագործվում, երբ համադրվում են սոցիալ-տնտեսականի հետ։ Ծրագրի շրջանակներում բնապահպանական կարողությունների հզորացումը համակցվում է համայնքների զարգացմանն ուղղված միջոցառումներով, որոնք նպատակ ունեն թուլացնելու ճնշումն անտառային տարածքների վրա»,- նշել է բնապահպանության նախարարը։
Բնապահպանության նախարարության անտառային կոմիտեի նախագահ Միքայել Մանուկյանը շնորհակալություն է հայտնել աջակցության համար, կարևորել այն՝ կոմիտեի գործառույթների արդյունավետ իրականացման համար և տեղեկացրել, որ նվիրաբերած UAZ PICK-UP ավտոմեքենան կկահավորվի հակահրդեհային միջոցներով, ինչը հնարավորություն կտա արդյունավետ պայքարելու հնարավոր անտառային հրդեհների դեմ։

37230979_1989763267939026_6235224132087185408_o 37243109_1989763384605681_9029378495922307072_o (1)

Հրդեհի բռնկման 20 դեպք է գրանցվել

04.07.2018

Հիմք ընդունելով ՀՀ կառավարության 2002 թվականի օգոստոսի 8-ի N1237-Ն որոշման առաջին հավելվածի 6-րդ կետի, 12-րդ կետի «բ», «դ» ենթակետերը և բնապահպանության նախարարի 04.06.2018թ. թիվ 140-Ա հրամանը, ինչպես նաև հաշվի առնելով հանրապետության տարածքում առավել հրդեհավտանգ ժամանակահատվածը (հունիսի 1-ից հոկտեմբերի 31-ը)՝ «Հայանտառ» ՊՈԱԿ-ի տնօրենի ժամանակավոր պաշտոնակատար Արտակ Չոբանյանի հրամանով՝ անտառտնտեսությունների աշխատակիցներին հանձնարարվել է ուժեղացնել անտառների պահպանությանն ու պաշտպանությանն ուղղված միջոցառումները։ Սահմանվել են անտառային հրդեհների կանխարգելման, դրանց դեմ պայքարի միջացառումները կանոնակարգելու նպատակով համալիր ծրագրեր։

Անտառտնտեսությունների աշխատակիցների ուժերով անտառամերձ առավել հրդեհավտանգ հատվածներում սահմանվել է շուրջօրյա հերթապահություն: Անտառամերձ առավել տեսանելի վայրերում, ինչպես նաև անտառ տանող ճանապարհներին տեղադրվել են  հրդեհային  անվտանգության վերաբերյալ  նախազգուշացնող վահանակներ, ստեղծվել են  հակահրդեհային արագ արձագանքման   ջոկատներ։

Չնայած  կանխարգելիչ միջոցառումներին, հանրապետության ողջ տարածքում նկատվող բարձր ջերմային ֆոնն անտառամերձ և անտառային տարածքներում մեծացրել է հրդեհների առաջացման և տարածման վտանգը։

2018 թվականի հունիսի 30-ի դրությամբ  «Հայանտառ» ՊՈԱԿ-ի «անտառտնեսություն» մասնաճյուղերում գրանցվել է հրդեհի բռնկման 20 դեպք.

«Գուգարքի անտառտնտեսություն» մասնաճյուղում՝ 15 դեպք՝ 147,39 հա տարածքում, որից անտառածածկ՝ 116,08 հա, ոչ անտառածածկ՝ 31,31 հա

«Տաշիրի անտառտնտեսություն» մասնաճյուղում՝1 դեպք՝4․0 հա ոչ անտառածածկ տարածքում

«Վայոց ձորի անտառտնտեսություն» մասնաճյուղում՝ 1 դեպք՝ 2․0 հա ոչ անտառածածկ տարածքում

«Հրազդանի անտառտնտեսություն» մասնաճյուղում՝ 3 դեպք՝ 0,33 հա անտառածածկ տարածքում։

 

ԲՆ անտառային  կոմիտեն ազգաբնակչությանը ևս մեկ անգամ հորդորում է հետևել հակահրդեհային, անտառների պահպանման և պաշտպանության կանոններին, զերծ մնալ արգելված և վտանգավոր վայրերում հրդեհների բռնկմանը նպաստող գործողություններից։

 

Հրդեհների կանխարգելման նպատակով արգելվում է

 

Կրակ վառել (վառել միայն դրանց համար նախատեսված վայրերում և վերջում հանգցնել)

Վառվող լուցկի կամ ծխախոտի մնացորդ գցել

Յուղերով կամ բենզինով ներծծված լաթեր թողնել անտառում

Ներքին այրման շարժիչների աշխատանքի ժամանակ մեքենան վառելիքով լիցքավորել, ինչպես նաև լիցքավորվող մեքենաների մոտ ծխել

 Արևի ուղիղ ճառագայթների տակ ընկնող տարածքներում թողնել շշեր, ապակու կտորներ, քանի որ դրանք ևս կարող են հրդեհի առաջացման պատճառ դառնալ՝ օպտիկական երևույթների արդյունքում

 

 Հրդեհի բռնկման դեպքում անհրաժեշտ է

Անմիջապես տեղեկացնել ԱԻՆ ՄՓԾ, զանգահարել  «Հայանտառ» ՊՈԱԿ-ի արագ արձագանքման շուրջօրյա թեժ գծին՝ 010/ 65 01 24, 010/ 65 47 28,  093/ 92 91 90, 093/ 18 91 80  հեռախոսահամարներով:

 

 

 

 

Շարունակվում են ԱԱԿՏՀ բարելավումները՝ ԲՆ անտառային կոմիտեի հետ սերտ համագործակցությամբ

18.06.2018

2018թ-ի հունիսի 14-ին Գերմանիայի միջազգային համագործակցության ընկերության (ԳՄՀԸ/GIZ) «Կենսաբազմազանության ինտեգրված կառավարումը Հարավային Կովկասում» (ԿԻԿ/IBiS) ծրագիրը  ԲՆ անտառային կոմիտեի հետ համատեղ կազմակերպել էին աշխատանքային քննարկում՝ Անտառակառավարման ազգային տեղեկատվական համակարգի (ԱԱԿՏՀ/ NFMIS) վերաբերյալ:

Քննարկմանը ներկա էին անտառային ոլորտի, միջազգային և ոլորտով հետաքրքրված այլ կազմակերպությունների ներկայացուցիչներ։ 

ԱԱԿՏՀ-ի բարելավումներն իրականացնող ՏՏ կազմակերպությունը, պետական կառույցները և անտառի գույքագրման/անտառկառավարման պլանավորման խորհրդատվական կազմակերպությունը միջազգային կառույցների ներկայացուցիչների մասնակցությամբ քննարկել են ԱԱԿՏՀ-ում առավել լիարժեք տվյալների բազա ունենալու հնարավորությունը՝ անտառի դաշտային գույքագրման և քարտեզագրական տվյալների հիման վրա: Քննարկման ընթացքում ընդգծվել է որակյալ առաջնային տեղեկություններ ունենալու անհրաժեշտությունը: ԳՄՀԸ և ՄԱԶԾ ներկայացուցիչները քննարկել են թարմացված արբանյակային պատկերների ներբեռնմումը ԱԱԿՏՀ-ում:

Քննարկումների մասնակիցները նշել են ԱԱԿՏՀ-ի կարևորության և դրա կիրառման համար հաստատություններում մարդկային և տեխնիկական հզորություններ ստեղծելու անհրաժեշտության մասին:

Նմանօրինակ  քննարկում կազմակերպվել էր նաև 2018թ-ի մարտի 22-ին, որին ներկա էին ՀՀ բնապահպանության և գյուղատնտեսության նախարարությունների, միջազգային կազմակերպությունների ներկայացուցիչներ, ինչպես նաև անհատ փորձագետներ։

ԱԱԿՏՀ-ն տեղեկատվական համակարգ է, որը կարող է զգալիորեն հեշտացնել անտառային ոլորտում գործառնական պլանավորումը, տեղեկությունների կառավարումը և փոխանակումը՝ տարբեր հաստատությունների միջև:

98787874pospeo iieduyedg

 

Կազմվել է անտառախախտման 113 արձանագրություն

12.06.2018

2018 թվականի հունվարի 1-ից մինչև մայիսի 31-ը «Հայանտառ» ՊՈԱԿ-ի «Անտառտնտեսություն» մասնաճյուղերի  աշխատակիցների կողմից կազմվել է անտառախախտման 113 արձանագրություն՝ 650 ապօրինի հատված ծառերի վերաբերյալ:

Համաձայն «Բնապահպանական իրավախախտումների հետևանքով կենդանական և բուսական աշխարհին պատճառված վնասի հատուցման սակագների մասին» ՀՀ օրենքի 3-րդ գլխի 7-րդ հոդվածի, կազմված արձանագրություններից 68-ը՝ 338 ապօրինի հատումների վերաբերյալ, ուղարկվել են բնապահպանական և ընդերքի տեսչական մարմնին, իսկ 45 արձանագրություն՝ 312 հատումների վերաբերյալ, ոստիկանության տարածքային բաժիններ` անտառախախտողներին հայտնաբերելու և սահմանված կարգով անտառպետֆոնդին պատճառված վնասը վերականգնելու նպատակով: