enhy
slide
slide
slide
slide
slide
Prev
Next
ՏԵՍԱՆՅՈՒԹԵՐ
ՀԵՏԵՎԵՔ ՄԵԶ
Facebookyoutube
ԹԵԺ ԳԻԾ

Lusine Hakobyan

1 3 4 5 6 7 14

«Հայանտառ»-ի տնօրենի գլխավորած պատվիրակությունը մեկնել է Վրաստան

07․02․2018

ՀՀ գյուղատնտեսության նախարարության «Հայանտառ» ՊՈԱԿ-ի տնօրեն Միքայել Մանուկյանը և տնօրենի առաջին տեղակալ, գլխավոր անտառապետ Ռուբեն Պետրոսյանը սույն թվականի փետրվարի 7-ից 9-ը աշխատանքային այցով մեկնել են Վրաստանի Հանրապետության Գուրիա շրջան՝ մասնակցելու «Անտառային օրենսդրության կիրարկում և անտառային ոլորտի կառավարման բարելավում Եվրոպական հարևանության քաղաքականության արևելյան երկրներում և Ռուսաստանում» ծրագրի երկրորդ փուլի (FLEG-II) ղեկավար կոմիտեի վերջնական հանդիպմանը։

«Հայանտառ» ՊՈԱԿ-ի լրատվական ծառայություն

Տարիներ ի վեր անտառների պահպանության գործող մեխանիզմը ճիշտ չի եղել. Միքայել Մանուկյան. Yerkir.am

Yerkir.am կայքը գրում է․

«Նախորդ տարվա դեկտեմբերի 19-ին ՀՀ նախագահ Սերժ Սարգսյանը անտառային պետական կոմիտե ստեղծելու մասին հրամանագիր ստորագրեց։ Կոմիտեն կգործի ՀՀ բնապահպանության նախարարության համակարգում։

Անտառային պետական կոմիտեի կարգավիճակը որքանո՞վ կնպաստի ոլորտում առկա խնդիրներն ու բացերն առավելագույնս շտկելուն։ Այս և մի շարք այլ հարցերի շուրջ Yerkir.am-ը զրուցել է «Հայանտառ» ՊՈԱԿ-ի տնօրեն Միքայել Մանուկյանի հետ։

-Պարո՛ն Մանուկյան, շուրջ կես տարի է` ղեկավարում եք «Հայանտառ»-ը։ Ձեր հարցազրույցներից մեկում նշել եք, որ պաշտոնավարման սկզբնական փուլը Ձեզ համար ավելի շատ ուսումնասիրությունների, ոլորտի նրբությունները պատկերացնելու փուլ էր։ Այժմ կարո՞ղ եք ասել՝ որո՞նք են առկա կարևոր և առանցքային խնդիրները, և ի՞նչ կոնկրետ աշխատանքներ եք կատարել ու կատարում այդ ուղղությամբ։

-«Հայանտառ»-ի կարևորագույն խնդիրն այսօր անտառների արդյունավետ պահպանության հարցն է։ Տարիներ ի վեր անտառների պահպանության գործող մեխանիզմը ճիշտ չի եղել, գործիքակազմը թերի է, ինչի արդյունքում առաջացել են բազմաթիվ խնդիրներ։ Պետական կոմիտեի կարգավիճակը հնարավորություն կտա, որ շատ հարցեր պատշաճ լուծում ստանան։ Մասնավորապես` մենք  կունենանք պահպանության առանձին պետական ծառայություն, որն օժտված կլինի լուրջ իրավասություններով,  գործիքակազմով։ Նշյալ ծառայությունը զուտ անտառի պահպանություն կիրականացնի։

-Այսինքն՝ ՊՈԱԿ-ի լիազորությունները թույլ չե՞ն տալիս արդյունավետ պահպանություն իրականացնել, մինչդեռ կոմիտեի լիազորությունների ավելի լայն շրջանակն այդ խնդիրը կլուծի՞։

-Այս պահի դրությամբ «Հայանտառ» ՊՈԱԿ-ն իր կազմում անտառային պետական ծառայություն ունենալու իրավասություն չունի, իսկ կոմիտեի կարգավիճակը տալիս է այդ հնարավորությունը։ Ներկայումս մեր անտառների պահպանությունը վերապահված է անտառապահներին, ովքեր չունեն բավարար գործիքակազմ, լիազորություններ՝ արդյունավետ աշխատելու համար։ Անտառապահների աշխատանքը 9։00-18։00-ն է։ Պահպանության ծառայության ներդրմամբ այս լուրջ խնդիրը ևս լուծվելու է. գործելու է 24-ժամյա պահպանության ռեժիմ՝ հագեցած անհրաժեշտ գործիքակազմով, լուրջ հսկողության տակ է առնվելու փայտանյութի տեղաշարժը։ Պահպանության մասով զբաղվելու է պահպանության ծառայությունը, իսկ անտառի կայուն կառավարման մյուս հարցերն արդեն վերապահված են լինելու կոմիտեի կազմում գործող ՊՈԱԿ-ին։ Նախատեսում ենք նաև անտառային տարածքներում զբոսաշրջության զարգացման  համար անհրաժեշտ ենթակառուցվածքներ հիմնել,  մասնավորապես՝ զբոսաշրջային նոր երթուղիներ մշակել, հանգստի գոտիներ, վրանային ճամբարներ, գիշերակացներ ստեղծել և շահագործել։ Ուսումնասիրել ենք այս բնագավառում տարբեր երկրներում իրականացվող աշխատանքները, և պետք է ասեմ, որ  հարևան Վրաստանի փորձը բավականին հաջողված եմ համարում։ 

-Ո՞րն է լինելու անտառային պետական կոմիտեի գործառույթը։

-Կոմիտեն գործելու է ՀՀ բնապահպանության նախարարության համակարգում։ Նախարարությունը մշակելու է ՀՀ անտառային ոլորտի քաղաքականությունը, իսկ կոմիտեն իրականացնելու է այն։ Անտառների պահպանությունը՝ պահպանության ծառայության միջոցով, իսկ անտառների կայուն կառավարումը՝ ՊՈԱԿ-ի միջոցով»։

Մանրամասները՝ սկզբնաղբյուր կայքում։ 

«Հայանտառ» ՊՈԱԿ-ի անտառտնտեսությունների 2017 թվականի գործունության ամփոփ նկարագիր (մաս II)

30. 01. 2018

«Գյումրիի անտառտնտեսություն» մասնաճյուղ

«Հայանտառ» ՊՈԱԿ-ի «Գյումրիի անտառտնտեսություն» մասնաճյուղի անտառները և անտառային հողերը կազմում են 4737 հա, որից անտառածածկ` 2000 հա:

2017 թվականի ընթացքում անտառտնտեսությունում իրականացվել են ծառատնկման աշխատանքներ՝ 2.0 հա տարածքում: «Հայանտառ» ՊՈԱԿ-ի սեփական եկամուտների հաշվին կատարվել է նախորդ տարիներին հիմնադրված անտառմշակույթների խնամք՝ 10 հա տարածքում: Անցյալ տարվա ընթացքում անտառտնտեսությունում արձանագրվել է անտառային հրդեհի 1 դեպք՝ 15,0 հա ընդհանուր տարածքով, որից 8,0 հա` անտառածածկ, իսկ 7,0 հա` ոչ անտառածածկ տարածքում:

2017 թվականի դեկտեմբերի 31-ի դրությամբ անտառտնտեսության աշխատակիցների կողմից արձանագրվել են 0,25 խմ ծավալով ապօրինի հատված սոճու ճյուղեր, որի վերաբերյալ կազմվել է անտառխախտման արձանագրություն և ուղարկվել է մարզի տարածքային բնապահպանական պետական տեսչություն:

Սյունիքի մարզի «անտառտնտեսություն» մասնաճյուղեր

 «Հայանտառ» ՊՈԱԿ-ի Սյունիքի մարզի անտառային հողերը կազմում են 60203 հա, որից անտառածածկ` 49990.5 հա:

Անտառային հողերի կառավարման նպատակով ստեղծված են 3 «անտառտնտեսություն» մասնաճյուղեր․

  1. «Սյունիքի անտառտնտեսություն» մասնաճյուղ – 16530.0 հա
  2. «Կապանի անտառտնտեսություն» մասնաճյուղ – 38253.0 հա
  3. «Սիսիանի անտառտնտեսություն» մասնաճյուղ – 5420.0 հա

2017 թվականի ընթացքում Սյունիքի մարզի անտառտնտեսություններում իրականացվել են ծառատնկման աշխատանքներ՝ 9.0 հա տարածքում, այդ թվում․

Սյունիքի անտառտնտեսությունում – 3,0 հա

Կապանի անտառտնտեսությունում – 4,5 հա

Սիսիանի անտառտնտեսությունում – 1,5 հա

Անցյալ տարվա դեկտեմբերի 31-ի դրությամբ Սյունիքի մարզի «անտառտնտեսություն» մասնաճյուղերի կողմից արձանագրվել է ապօրինի հատված 111 ծառ, այդ թվում․

Կապանի անտառտնտեսությունում – 77 ծառ

Սյունիքի անտառտնտեսությունում – 29 ծառ

Սիսիանի անտառտնտեսությունում – 5 ծառ:

2017 թվականի ընթացքում «Կապանի անտառտնտեսություն»- ում արձանագրվել է անտառային հրդեհի 5 դեպք՝ 34.0 հա ընդհանուր տարածքով, որից 25.5 հա` անտառածածկ, իսկ 8.5 հա` ոչ անտառածածկ տարածքում:

«Սյունիքի անտառտնտեսություն»-ում արձանագրվել է անտառային հրդեհի 1 դեպք՝ 0.2 հա ոչ անտառածածկ տարածքում:  

Անցյալ տարվա ընթացքում մարզի «անտառտնտեսություն» մասնաճյուղերում մթերվել է 5337.48 խմ փայտանյութ, որից շինափայտ՝ 262.29 խմ:

Սյունիքի մարզի անտառամերձ համայնքների բնակչությանը թափուկից անվճար տրամադրվել է 3329.5 պահեստային խմ վառելափայտ: 

Տավուշի մարզի «անտառտնտեսություն» մասնաճյուղեր

 «Հայանտառ» ՊՈԱԿ-ի Տավուշի մարզի անտառները և անտառային հողերը կազմում են 118087.0 հա, որից անտառածածկ` 104857,6 հա:

Անտառային հողերի կառավարման նպատակով ստեղծված են 4 «անտառտնտեսություն» մասնաճյուղեր․

  1. Արծվաբերդի անտառտնտեսություն – 42837.0 հա
  2. Իջևանի անտառտնտեսություն – 25512.0 հա
  3. Նոյեմբերյանի անտառտնտեսություն – 29254.0 հա
  4. Սևքարի անտառտնտեսություն – 20484.0 հա

2017 թվականին շաբաթօրյակների միջոցով իրականացվել են ծառատնկման աշխատանքներ՝ 18.0 հա տարածքում, այդ թվում․

Արծվաբերդի անտառտնտեսությունում– 3.0 հա

Իջևանի անտառտնտեսությունում – 4.0 հա

Սևքարի անտառտնտեսությունում – 2.0 հա

Նոյեմբերյանի անտառտնտեսությունում- 9.0 հա

Նոյեմբերյանի անտառտնտեսությունում շաբաթօրյակի միջոցով իրականացվել է նաև նախորդ տարիներին հիմնադրված անտառմշակույթների լրացում՝ 17.2 հա տարածքում:

«Հայանտառ» ՊՈԱԿ-ի սեփական եկամուտների հաշվին Արծվաբերդի անտառտնտեսությունում իրականացվել են նախորդ տարիներին հիմնադրված անտառմշակույթների ագրոտեխնիկական խնամք 15 հա և խնամք՝ խոտհունձի միջոցով՝ 3.5 հա տարածքում:

2017 թվականի դեկտեմբերի 31-ի դրությամբ մարզի «անտառտնտեսություն» մասնաճյուղերի կողմից արձանագրվել է ապօրինի հատված 546 ծառ, այդ թվում․   

Արծվաբերդի անտառտնտեսություն– 170 ծառ  

Իջևանի անտառտնտեսություն– 286 ծառ

Նոյեմբերյանի անտառտնտեսություն– 67 ծառ

Սևքարի անտառտնտեսություն– 23 ծառ:

2017 թվականին մարզի անտառտնտեսություններում անտառային հրդեհների դեպքեր չեն արձանագրվել: Անցյալ տարվա ընթացքում մթերվել է 8363.64 խմ փայտանյութ, որից շինափայտ՝ 838.94 խմ: Տավուշի մարզի անտառամերձ համայնքների բնակչությանը թափուկից անվճար տրամադրվել է 41946.2 պահեստային խմ վառելափայտ: 

«Վայոց ձորի անտառտնտեսություն» մասնաճյուղ

«Հայանտառ» ՊՈԱԿ-ի «Վայոց ձորի» անտառտնտեսություն մասնաճյուղի անտառները և անտառային հողերը կազմում են 15046.7 հա, որից անտառածածկ` 7656.2 հա:

Տեղեկացնենք, որ 2017 թվականի ընթացքում անտառտնտեսությունում  իրականացվել են ծառատնկման աշխատանքներ՝ 4.9 հա տարածքում: Անցյալ տարվա ընթացքում անտառտնտեսությունում արձանագրվել է անտառային հրդեհների 2 դեպք՝ 231.45 հա ընդհանուր տարածքով, որից 183.45 հա` անտառածածկ, իսկ 48.0 հա` ոչ անտառածածկ տարածքում:

«Հայանտառ» ՊՈԱԿ-ի լրատվական ծառայություն

«Հայանտառ» ՊՈԱԿ-ի անտառտնտեսությունների 2017 թվականի գործունության ամփոփ նկարագիր (մաս I)

25․01․2018

 

«Հրազդանի անտառտնտեսություն» մասնաճյուղ

 

«Հայանտառ» ՊՈԱԿ-ի «Հրազդանի անտառտնտեսություն» մասնաճյուղի անտառները և անտառային հողերը կազմում են 23213.87 հա, որից անտառածածկ` 15068,0 հա:

Տեղեկացնենք, որ 2017 թվականի ընթացքում անտառտնտեսությունում իրականացված շաբաթօրյակի շրջանակներում ծառատնկման աշխատանքներ են կատարվել  2.5 հա տարածքում:

Գերմանիայի Միջազգային Համագործակցության Ընկերության (ԳՄՀԸ) աջակցությամբ «Հրազդանի անտառտնտեսություն» մասնաճյուղի՝ նախկինում հատված 100 հա անտառային տարածքներում իրականացվել են կոճղաշիվային վերաճի օժանդակման աշխատանքներ, որից առաջացած փայտանյութը անվճար տրամադրվել է մարզի անտառամերձ համայնքների բնակչությանը: Նշված աշխատանքների իրականացման նպատակով ԳՄՀԸ ընկերության կողմից անտառտնտեսությանը տրամադրվել են 4 հատ բենզասղոց և 1 հատ թուփ կտրող սարք:

«Էյ Թի Փի» բարեգործական հիմնադրամի կողմից անտառտնտեսության տարածքում իրականացվել են կոճղաշիվային վերաճի օժանդակման աշխատանքներ՝ 10 հա տարածքում:

2017թ. դեկտեմբերի 31-ի դրությամբ անտառտնտեսության աշխատակիցների կողմից արձանագրվել է ապօրինի հատված 167 ծառ: Անցյալ տարվա ընթացքում անտառտնտեսությունում արձանագրվել է անտառային հրդեհների 6 դեպք, 3.05 հա ընդհանուր տարածքով, որից 0.7 հա` անտառածածկ, իսկ 2.35 հա` ոչ անտառածածկ տարածքում: 

Պարենի և գյուղատնտեսության կազմակերպության աջակցությամբ «Հրազդանի անտառտնտեսություն» մասնաճյուղում հիմնադրված տնկարանային տնտեսությունում 2017 թվականի ընթացքում աճեցվել է փակ արմատային համակարգով շուրջ 128000 հատ տարբեր տեսակի տնկանյութ:

Հայտնենք նաև, որ մթերված փայտանյութի քանակը կազմել է 17.22, որից շինափայտ՝ 3.73 խմ:

Մարզի անտառամերձ համայնքների բնակչությանը թափուկից անվճար տրամադրվել է 1778 պահեստային խմ վառելափայտ: 

«Ճամբարակի անտառտնտեսություն» մասնաճյուղ

 

 «Հայանտառ» ՊՈԱԿ-ի «Ճամբարակի անտառտնտեսություն» մասնաճյուղի անտառները և անտառային հողերը կազմում են 9022.0 հա, որից անտառածածկ` 6547, 2 հա:

Տեղեկացնենք, որ 2017 թվականի ընթացքում շաբաթօրյակի միջոցով իրականացվել են ծառատնկման աշխատանքներ՝ 4.0 հա տարածքում: ՀՀ անտառների վերականգնման և զարգացման հիմնադրամի աջակցությամբ 2016 թվականին հիմնադրված 10 հա անտառմշակույթներում անցյալ տարվա ընթացքում իրականացվել են ագրոտեխնիկական խնամքի և ոռոգման աշխատանքներ:

2017 թ. դեկտեմբերի 31-ի դրությամբ անտառտնտեսության աշխատակիցների կողմից արձանագրվել է ապօրինի հատված 86 ծառ: Տարվա ընթացքում անտառտնտեսությունում անտառային հրդեհների դեպքեր չեն արձանագրվել:

Մթերվել է 1381.8 խմ փայտանյութ, որից շինափայտ՝ 40.5 խմ:

Գեղարքունիքի մարզի անտառամերձ համայնքների բնակչությանը թափուկից անվճար տրամադրվել է 1243.2 պահեստային խմ վառելափայտ: 

«Արագածոտնի անտառտնտեսություն» մասնաճյուղ

 

 «Հայանտառ» ՊՈԱԿ-ի «Արագածոտնի անտառտնտեսություն» մասնաճյուղի անտառները և անտառային հողերը կազմում են 10848 հա, որից անտառածածկ` 5215 հա:

Տեղեկացնենք, որ 2017 թվականին շաբաթօրյակի միջոցով իրականացվել են ծառատնկման աշխատանքներ՝ 3.5 հա տարածքում: 2017 թվականի դեկտեմբերի 31-ի դրությամբ անտառտնտեսության աշխատակիցների կողմից արձանագրվել է ապօրինի հատված 26 ծառ: Անցյալ տարվա  ընթացքում անտառտնտեսությունում արձանագրվել է անտառային հրդեհների 2 դեպք՝ 155,8 հա ընդհանուր տարածքով, որից անտառածածկ՝ 105,4 հա, իսկ 50,4 հա` ոչ անտառածածկ տարածքում:

Մթերվել է 228,4խմ փայտանյութ, որից շինափայտ՝ 15,05 խմ:

Արագածոտնի մարզի անտառամերձ համայնքների բնակչությանը թափուկից անվճար տրամադրվել է 255 պահեստային խմ վառելափայտ: 

 Լոռու «անտառտնտեսություն» մասնաճյուղեր

 

«Հայանտառ» ՊՈԱԿ-ի    Լոռու մարզի անտառները և անտառային հողերը կազմում են 101279,6214 հա, որից անտառածածկ` 85799.6 հա: Անտառային հողերի կառավարման նպատակով ստեղծված են 7 «անտառտնտեսություն» մասնաճյուղեր`

  1. Լալվարի անտառտնտեսություն – 26837.0 հա
  2. Ջիլիզայի անտառտնտեսություն – 15292.0 հա
  3. Դսեղի անտառտնտեսություն – 15330.0 հա
  4. Գուգարքի անտառտնտեսություն – 16213,6214 հա
  5. Ստեփանավանի անտառտնտեսություն – 6665 հա
  6. Տաշիրի անտառտնտեսություն – 6860 հա
  7. Եղեգնուտի անտառտնտեսություն – 14082 հա

«Թեղուտ» ՓԲԸ-ի և «Հայանտառ» ՊՈԱԿ-ի միջև 27.07.2012թ. կնքված №120727 պայմանագրով 2012-2017թթ. Գուգարքի և Լալվարի «անտառտնտեսություն» մասնաճյուղերում իրականացվել են անտառապատման աշխատանքներ՝ ցանքսի և տնկման միջոցով 315,0 հա տարածքում:

2017թ. գարնանը նույն պայմանագրի շրջանակներում Գուգարքի անտառտնտեսությունում իրականացվել են անտառապատման աշխատանքներ՝ ցանքսի և տնկման միջոցով 61.9 հա և անտառմշակույթների լրացման աշխատանքներ 20,4 հա տարածքում: Անտառապատված տարածքի պահպանության նպատակով կառուցվել է ցանկապատ՝ 4022 գծմ: 315,0 հա տարածքում իրականացվել են նաև ագրոտեխնիկական խնամքի և խոտհունձի աշխատանքներ:

Գերմանիայի Միջազգային Համագործակցության Ընկերության (ԳՄՀԸ) աջակցությամբ «Գուգարքի անտառտնտեսություն» մասնաճյուղի նախկինում հատված 100 հա անտառային տարածքներում իրականացվել են կոճղաշիվային վերաճի օժանդակման աշխատանքներ, որից առաջացած վառելափայտն անվճար տրամադրվել է մարզի անտառամերձ համայնքների բնակչությանը: Նշված աշխատանքների իրականացման նպատակով ԳՄՀԸ ընկերության կողմից անտառտնտեսությանը տրամադրվել են 4 հատ բենզասղոց և 1 հատ թուփ կտրող սարք:

ՄԱԿ-ի զարգացման ծրագրի կողմից «Հողերի և անտառի կայուն կառավարման ներդնումը հյուսիս-արևելյան Հայաստանի լեռնային լանդշաֆտներում» ծրագրի շրջանակներում «Լալվարի անտառտնտեսություն» մասնաճյուղում իրականացվել են կոճղաշիվային վերաճի օժանդակման աշխատանքներ՝ 93 հա տարածքում, որից առաջացած վառելափայտը տրամադրվել է Օձունի և հարակից համայնքների բնակչությանը:

2017 թվականին շաբաթօրյակների միջոցով իրականացվել են ծառատնկման աշխատանքներ 14,5 հա տարածքում, այդ թվում՝

Գուգարքի անտառտնտեսություն- 2,7 հա

Դսեղի անտառտնտեսություն- 1,0 հա

Ջիլիզայի անտառտնտեսություն- 0,5 հա

Լալվարի անտառտնտեսություն- 2,0 հա

Ստեփանավանի անտառտնտեսություն- 2,5 հա

Եղեգնուտի անտառտնտեսություն- 0,8 հա

Տաշիրի անտառտնտեսություն- 5,0 հա

2017թ. դեկտեմբերի 31-ի դրությամբ «անտառտնտեսություն» մասնաճյուղերի կողմից արձանագրվել է ապօրինի հատված 887 ծառ, այդ թվում`      

Դսեղի անտառտնտեսություն- 191 ծառ

Գուգարքի անտառտնտեսություն- 482 ծառ

Տաշիրի անտառտնտեսություն- 16 ծառ

Եղեգնուտի անտառտնտեսություն- 129 ծառ

Ջիլիզայի անտառտնտեսություն- 18 ծառ

Լալվարի անտառտնտեսություն- 14 ծառ

Ստեփանավանի անտառտնտեսություն- 37 ծառ:

2017թ. Գուգարքի անտառտնտեսությունում արձանագրվել է հրդեհի 45 դեպք, 166,075 հա ընդհանուր տարածքով, որից 68,46 հա` անտառածածկ, իսկ 97,615 հա` ոչ անտառածածկ տարածքում:

Լալվարի անտառտնտեսությունում արձանագրվել է հրդեհի 1 դեպք, 2,0 հա ոչ անտառածածկ տարածքում: Եղեգնուտի անտառտնտեսությունում արձանագրվել է հրդեհի 1 դեպք, 3,2 հա անտառածածկ տարածքում:

2017թ. մարզի «անտառտնտեսություն» մասնաճյուղերում մթերվել է 14598.26 խմ փայտանյութ, որից շինափայտ՝ 1166.43 խմ: Մարզի անտառամերձ համայնքների բնակչությանը թափուկից անվճար տրամադրվել է 18063.8 պահեստային խմ վառելափայտ: 

 

«Հայանտառ» ՊՈԱԿ-ի լրատվական ծառայություն

Նախագահն անտառային պետական կոմիտե ստեղծելու մասին հրամանագիր է ստորագրել

ՀՀ նախագահ Սերժ Սարգսյանը սույն թվականի դեկտեմբերի 19-ին անտառային պետական կոմիտե ստեղծելու մասին հրամանագիր է ստորագրել, որում մասնավորապես ասված է․

«Ղեկավարվելով 2005 թվականի փոփոխություններով Հայաստանի Հանրապետության Սահմանադրության 85-րդ հոդվածի 6-րդ մասով և հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված՝ Հայաստանի Հանրապետության կառավարության և նրան ենթակա պետական կառավարման այլ մարմինների գործունեության կազմակերպման կարգի 13.3-րդ կետը՝ ո ր ո շ ու մ ե մ.

1. Հայաստանի Հանրապետության բնապահպանության նախարարության համակարգում ստեղծել անտառային պետական կոմիտե՝ որպես նախարարության կառավարման ոլորտում գործող պետական մարմին:

2. Հայաստանի Հանրապետության կառավարությանը՝ եռամսյա ժամկետում ընդունել սույն հրամանագրից բխող համապատասխան որոշումներ»։

Նախագահի հրամանգիրն՝ այստեղ՝  http://www.president.am/hy/decrees/item/4174/

«Հայանտառ»-ի տնօրենը հանդիպել է ԱՄՆ անտառային ծառայության ներկայացուցիչների հետ

14. 12. 2017 

ՀՀ գյուղատնտեսության նախարարության «Հայանտառ» ՊՈԱԿ-ի տնօրեն Միքայել Մանուկյանը և տնօրենի առաջին տեղակալ, «Հայանտառ»-ի գլխավոր անտառապետ Ռուբեն Պետրոսյանը երեկ՝ դեկտեմբերի  13-ին, աշխատանքային հանդիպում են ունեցել Հայաստան ժամանած ԱՄՆ անտառային ծառայության «Այրված տարածքների վերականգնման և արտակարգ իրավիճակների կանխարգելման» աշխատանքային խմբի անդամների, մասնավորապես՝ ծառայության գյուղատնտեսության բաժնի հրդեհների և ավիացիայի կառավարման գրասենյակի մասնագետ Ջեն Քրոֆտի, ծառայության վրաստանյան գրասենյակի կոորդինատոր Մարիամ Թևզաձեի և նրանց ուղեկցող՝ Հայաստանում ԱՄՆ դեսպանատան ներկայացուցիչ Տիգրան Թանանյանի հետ։

imageIMG_0366IMG_0365

Խոսելով մեր երկրում իրականացվող հակահրդեհային աշխատանքների մասին՝ Միքայել Մանուկյանն ընդգծել է, որ անտառային և հարակից տարածքներում հրդեհաշիջման արդյունավետ աշխատանքներ են իրականացնում  հատկապես արագ արձագանքման խմբերը, որոնց օպերատիվ աշխատանքը շատ հաճախ կանխում է հրդեհների հետագա տարածումը։ «Շատ հաճախ հրդեհների տարածումը կանխվում է հենց արագ արձագանքման խմբերի կողմից։ Խմբերը բաղկացած են տասը հոգուց, ովքեր տվյալ անտառտնտեսության աշխատակիցներ են։ Մինչև ԱԻՆ-ի դեպքի վայր ժամանելը, արագ արձագանքման խմբերի միջոցով հնարավոր է լինում կանխել հրդեհների հետագա տարածումը»,- ասել է Մանուկյանը։

Ռուբեն Պետրոսյան էլ իր խոսքում նշել է, որ առավել հրդեհավտանգ տարածքներում տեղադրված են իրազեկման ցուցանակներ, որոնք նպաստում են անտառ մուտք գործողների զգոնության բարձրացմանը։ Շարունակելով արագ արձագանքման խմբերի կարևորության մասին խոսել՝ գլխավոր անտառապետը նշել է նաև, որ մինչ այժմ միայն Գորիսի, Կապանի և Հրազդանի հարակից անտառային տարածքներում են գործում խմբերը,  որոնք հագեցված են հրդեհաշիջման աշխատանքների համար նախատեսված հագուստով և տեխնիկայով։

ԱՄՆ անտառային ծառայության ներկայացուցիչներին հետաքրքրել է նաև՝ փորձարկվե՞լ է արդյոք արագ արձագանքման խմբերի արդյունավետությունը, ինչին ի պատասխան «Հայանտառ»-ի տնօրենն ասել է, որ շատ հաճախ հենց այդ խմբերի անդամների օպերատիվ գործողությունների շնորհիվ է կանխվում հրդեհի հետագա տարածումը։ «Արագ արձագանքման խմբի յուրաքանչյուր անդամ գիտի իր պարտականությունները և լավ պատկերացնում է՝ ինչպես անել, որ հրդեհի տարածումը կանխվի»,- ասել է Մանուկյանը՝ հավելելով, որ առաջիկայում էլ նախատեսվում է մեթոդաբանական ձեռնարկ տպագրել, որտեղ մանրամասն նկարագրված կլինի հրդեհի ծագման դեպքում անտառտնտեսությունների աշխատակիցների պարտականությունները։

«Հայանտառ»-ի տնօրենը  նաև ներկայացրել է ակնկալվող աջակցության հիմնական ուղղությունները, որոնք վերաբերվում են հրդեհների կանխարգելման և արագ արձագանքման նպատակով կարողությունների մեծացմանը։ «Ներկայումս ունենք արագ արձագանքման միայն 3 խումբ և, նկատի ունենալով այդ խմբերի արդյունավետությունը, ցանկություն ունենք շատացնել խմբերի քանակը, և խմբի անդամներին զինել անհրաժեշտ տեխնիկայով և սարքավորումներով»,- ասել է նա։

ԱՄՆ անտառային ծառայության «Այրված տարածքների վերականգնման և արտակարգ իրավիճակների կանխարգելման» գյուղատնտեսության բաժնի հրդեհների և ավիացիայի կառավարման գրասենյակի մասնագետ  Ջեն Քրոֆտն էլ իր խոսքում նշել է, որ իրենց երկրում էլ փորձարկվել է արագ արձագանքման խմբերի արդյունավետությունը և արդյունքը գոհացուցիչ է եղել։  Քրոֆտը նաև առաջարկել է կազմակերպել  թրեյնինգներ՝  «Հայանտառ»-ի աշխատակիցների համար։

Հանդիպման ընթացքում քննարկվել են նաև անտառային հրդեհների կանխարգելմանը վերաբերող այլ հարցեր ևս, ներկայացվել է այդ ոլորտում ԱՄՆ-ի անտառային ծառայության փորձը։

 

 

«Հայանտառ» ՊՈԱԿ-ի լրատվական ծառայություն

 

 

 

 

Քննարկում և ուսուցումներ՝ Անտառկառավարման ազգային տեղեկատվական համակարգի (ԱԱԿՏՀ) բարելավման աշխատանքների վերաբերյալ

08. 12. 2017 

Գերմանիայի միջազգային համագործակցության ընկերության (ԳՄՀԸ/GIZ) «Կենսաբազմազանության ինտեգրված կառավարումը Հարավային Կովկասում» (ԿԻԿ/IBiS) ծրագիրը  ՀՀ գյուղատնտեսության նախարարության «Հայանտառ» ՊՈԱԿ-ի հետ համատեղ նոյեմբերի 24-ին կազմակերպել էր աշխատանքային քննարկում: Քննարկման  ընթացքում ներկայացվել են անցած ամիսներին Անտառկառավարման ազգային տեղեկատվական համակարգի (ԱԱԿՏՀ) բարելավման ուղղությամբ իրականացված աշխատանքների արդյունքները:

«Հայանտառ» ՊՈԱԿ-ում կայացած քննարկմանը  ներկա էին  նաև ՀՀ գյուղատնտեսության նախարարության և «Անտառային պետական մոնիթորինգի կենտրոն»-ի ներկայացուցիչներ:

Training in Gugarq FEHayantar training - 24 Nov

Նշենք՝ ԱԱԿՏՀ-ն տեղեկատվական համակարգ է, որը կարող է զգալիորեն հեշտացնել անտառային ոլորտում գործառնական պլանավորումը, տեղեկությունների կառավարումը և փոխանակումը՝ տարբեր հաստատությունների միջև, ինչպես նաև՝ միջոլորտային համագործակցությունը: Կայացած հանդիպման ընթացքում մասնակիցները տեղեկացել են՝ համակարգում ինչ փոփոխություններ են կատարվել, ապա ներկայացրել են գործնական առաջարկներ՝ համակարգի հետագա բարելավման վերաբերյալ: 

image training 7 Dec, Vanadzor

«Հայանտառ» ՊՈԱԿ-ը և ԳՄՀԸ ԿԻԿ ծրագիրը շարունակաբար իրականացնում են ԱԱԿՏՀ-ի աշխատանքային ուսուցումներ նաև ՊՈԱԿ-ի անտառտնտեսություններում: Մասնավորապես, դեկտեմբերի 7-ին Վանաձորում կազմակերպվել էր ուսուցում, որին մասնակցեցին Գուգարքի, Հրազդանի, Ստեփանավանի, Լալվարի, Եղեգնուտի և Ջիլիզայի անտառտնտեսության ավելի քան 15 աշխատակից: Ուսուցումն իրականացվել է «Հայանտառ» ՊՈԱԿ-ի և ԳՄՀԸ ԿԻԿ մասնագետների կողմից: Ուսուցման մասնակիցները ծանոթացել են ԱԱԿՏՀ-ում կատարված փոփոխություններին, ինչպես նաև քննարկել համակարգի օգտագործման գործնական հարցեր:

«Հայանտառ» ՊՈԱԿ-ի լրատվական ծառայություն

«Հայանտառ» ՊՈԱԿ-ը կվերակազմավորվի կոմիտեի. Tert.am

Tert.am-ը գրում է.

 «ՀՀ գյուղատնտեսության նախարար Իգնատի Առաքելյանը կառավարության նիստին ներկայացրեց Անտառային ոլորտի բարեփոխումների հայեցակարգին, ռազմավարությանը և միջոցառումների ցանկին հավանություն տալու մասին որոշման նախագիծը: «Նախագծի ընդունում պայմանավորված է անտառային ռեսուրսների վերականգնմամբ անտառածածկի ավելացման, անտառների բնապահպանական, սոցիալական և տնտեսական գործունեության պահպանման և զարգացման անհրաժեշտությամբ»,-ասաց նա:

Նախարարը պարզաբանեց, որ հիմնական փոփոխությունն այն է, որ դա «Հայանտառ» ՊՈԱԿ-ը վերակազմավորվում է որպես կոմիտե և տեղափոխվում Բնապահպանության նախարարության ենթակայության տակ՝ հաշվի առնելով, որ  անտառները Հայաստանում ավելի շատ բնապահպանական դեր ունեն: Չնայած դրան նա նշեց, որ գյուղատնտեսական ծրագրեր ևս իրականացվելու են:

Վարչապետ Կարեն Կարապետյանն իր խոսքն ուղղելով բնապահպանության նախարար Արծվիկ Մինասյանին ասաց. «Հիմա, պարոն Մինասյան, մենք ակնկալում ենք Ձեզանից, որ Դուք շատ արագ պետք է բերեք ձևակերպեք քվոտաներ, մենք դրա մասին խոսել ենք: Այն լիմիտները, որոնք տրամադրում ենք շատ ավելի ցածր է, քան շուկայում առկա քանակը, այդ իսկ պատճառով մենք այդ գործողությունները պետք է լեգալիզացնենք, այդ ռեսուսրները պետք է ուղղենք, որպեսզի անտառի պահպանման գնա»: Նա նախարարին հարցրեց, թե որքան ժամանակ է պետք, որ այդ ամբողջը ֆորմալացվի:

Արծվիկ Մինասյանը տեղեկացրեց, որ այս ռեֆորմի արդյունքը լինելու է գյուղատնտեսության բնապահպանության նախարարության եղած հաստիքային միավորումների, «Հայանտառի» հաստիքների հաշվին, այսինքն՝ լրացուցիչ հաստիք և ծախս չի նախատեսվում»:

Մանրամասները՝ սկզբնաղբյուր  կայքում:

 

«Հեռուստամարաթոն-2017»-ին «Հայանտառ»-ը նվիրաբերել է 300 հազար ՀՀ դրամ

24. 11. 2017

ՀՀ գյուղատնտեսության նախարարության «Հայանտառ» ՊՈԱԿ-ը «Բերքառատ Արցախ» խորագրի ներքո անցկացվող «Հայաստան» համահայկական հիմնադրամի «Հեռուստամարաթոն-2017»-ին նվիրաբերել է 300 հազար ՀՀ դրամ։ 

Մարաթոնի ողջ հասույթը տրամադրվելու է Արցախում խորքային հորերի հորատման, ոռոգման նոր ցանցի կառուցման և արևային էներգիայի համակարգի ներդրման նախագծերի իրականացմանը: 

«Հեռուստամարաթոն-2017»-ին հավաքվել է 12.505.456 դոլար նվիրատվություն և նվիրատվության խոստում:

 

 

 

 

1 3 4 5 6 7 14