enhy
slide
slide
slide
slide
slide
Prev
Next
ՏԵՍԱՆՅՈՒԹԵՐ

Lusine Hakobyan

Ուսումնասիրություններ՝ «Եղեգնուտի անտառտնտեսության» Փամբակի անտառպետության տարածքում

14. 07. 2017

«Հայանտառ» ՊՈԱԿ-ը տեղեկացնում է՝ համաձայն «Հայաստանի կանաչների միություն» ՀԿ-ի նախագահ Հակոբ Սանասարյանի կողմից բարձրացված խնդրի, որը վերաբերում էր «Եղեգնուտի անտառտնտեսության» մերձակայքում ժայռաթափման հետևանքով նկատված անտառային տարածքների կրած որոշակի վնասներին, տեղեկացնում ենք, որ դաշտային ուսումնասիրություններ են կատարվել «Եղեգնուտի անտառտնտեսություն» մասնաճյուղի Փամբակի անտառպետության տարածքում, որի անմիջական հարևանությամբ անցնում է Վանաձոր-Ալավերդի-Վրաստան միջպետական ավտոճանապարհը:

Պարզաբանենք, որ Սանասարյանի կողմից արված լուսանկարները, որոնք «Յուրայի աղբյուր»-ին հարող տարածքն են պատկերում, «Եղեգնուտի անտառտնտեսության» հողային տարածնքների մաս չեն կազմում: Նշենք, որ ավտոճանապարհի վերանորոգման և բարելավման ծրագրի շրջանակներում կատարվող աշխատանքների հետևանքով առաջացած լեռնային գրունտի լիցքը, որը ծանր տեխնիկայի միջոցով լցված է ճանապարհի ներքևի հատվածում՝ «Յուրայի աղբյուր» կոչվող տեսամասի հարակից տարածքից արևմուտք է:

Իսկ «աղբի գադուկ» կոչվող տեղաղամասում արված լուսանկարների մասով տեղեկացնենք, որ նշված տարածքում դեռևս 2016 թվականի նոյեմբեր ամսին ճանապարհային  շինարարների կողմից կատարվող լիցքը մեր կողմից արգելվել է և չի շարունակվել մինչ օրս:

 

 

Սեմինար-քննարկում՝ Ղրղզստանում. կարևորվել է անտառտնտեսության կառավարման մեկ միասնական մոտեցման մշակման հարցը

13. 07. 2017

«Հայանտառ» ՊՈԱԿ-ի տնօրենի տեղակալ Ռուբեն Կարապետյանը սույն թվականի հուլիսի 4-6-ը մասնակցել է Ղրղզստանի Իսիկուլի մարզում  նախկին ԱՊՀ երկրների անտառային ոլորտի մասնագետների մասնակցությամբ տեղի ունեցած սեմինար- քննարկմանը: Սեմինարի անցկացման նպատակն էր բարձր հիմքերի վրա դնել անտառտնտեսության  խնդիրների և մյուս անհրաժեշտ միջոցառումների լուսաբանման, անտառային սեկտորում ռազմավարական կոմունիկացիաների զարգացման հետ կապված հարցեր: Նշենք, որ սեմինարը կազմակերպվել էր ՄԱԿ-ի Պարենի և Գյուղատնտեսության կազմակերպության (ՊԳԿ- FAO) ծրագրով, Ֆինլանդիայի և Ավստրիայի կառավարությունների աջակցությամբ:

Սեմինար-քննարկման մասնակիցներն առանձնակի ուշադրության են արժանացրել  անտառտնտեսության կառավարման ոլորտում իրականացվող գործողությունների ճիշտ և համակողմանի լուսաբանման հարցին:

«Հայանտառ» ՊՈԱԿ-ի տնօրենի տեղակալ Ռուբեն Կարապետյանն իր խոսքում ընգծել է, որ ՊՈԱԿ-ի և հասարակական կազմակերպությունների՝ անտառային խնդիրների կարգավորման վերաբերյալ մոտեցումները հաճախ տարբեր են լինում, ինչը հասարակության շրջանում տարընկալումների տեղիք է տալիս:

 Կարապետյանը նշել է, որ կարևոր է անտառկառավարման ոլորտում մեկ միասնական մոտեցման մշակման հարցը, որի շնորհիվ հնարավոր կլինի թիրախավորված լսարանին համապատասխան ինֆորմացիայի ճիշտ մատուցում: Կարապետյանը հավելել է, որ միասնական մոդելի մշակման հարցը հնարավորություն կստեղծի պարզաբանել, լուսաբանել  այն գործողությունների օրինականությունը, որոնք կատարվում են անտառային տնտեսության կառավարման ոլորտում:

unnamed

unnamed (1)

unnamed (2) 

unnamed (3)

unnamed (4)

unnamed (5)

 

 

«Ճամբարակի անտառտնտեսություն»-ում 2016-2017 թվականներին իրականացված աշխատանքների ամփոփ բնութագիր

«Հայանտառ» ՊՈԱԿ-ի «Ճամբարակի անտառտնտեսություն» մասնաճյուղի անտառները և անտառային հողերը կազմում են 9022 հա, որից անտառածածկ են 6547.2 հեկտարը:

2017 թվականի գարնանը շաբաթօրյակի միջոցով իրականացվել են ծառատնկման աշխատանքներ՝ 2,4 հա տարածքում: ՀՀ անտառների վերականգնման և զարգացման հիմնադրամի աջակցությամբ 2014 թվականին հիմնադրված 10 հա անտառմշակույթներում 2016 թվականի ընթացքում իրականացվել են խնամքի աշխատանքներ: Նույն թվականի աշնանը ՀՀ անտառների վերականգնման և զարգացման հիմնադրամի աջակցությամբ Սևանա լճի ափամերձ 10 հա տարածքում իրականացվել են անտառտնկման, ինչպես նաև՝ Դրախտիկ համայնքին պատկանող 10 հա տարածքում հողի նախապատրաստման աշխատանքներ:

Տեղեկացնենք, որ 2016 թվականի ընթացքում մասնաճյուղում ապօրինի ծառահատման 21  դեպք է արձանագրվել, իսկ 2017 թվականի հունիսի 1-ի դրությամբ՝ ապօրինի ծառահատման դեպքեր չեն արձանագրվել:

«Ճամբարակի անտառտնտեսություն» մասնաճյուղում 2016-2017թթ. մթերվել է 850 խմ փայտանյութ, որից շինափայտ՝ 34 խմ:Գեղարքունիքի մարզի անտառամերձ համայնքների բնակչությանը 2016թ. թափուկից անվճար տրամադրվել է 2140 պահեստային խմ վառելափայտ:  2016 թվականին և 2017 թվականի հունիսի 1-ի դրությամբ  անտառտնտեսությունում անտառային հրդեհների դեպքեր չեն արձանագրվել:

 

 

 

 

 

 

 

 

Կմշակվի ծրագրի վերջնական տարբերակ. ՊԳԿ ներկայացուցիչը կարևորեց արդյունավետ համագործակցությունը

«Հայանտառ» ՊՈԱԿ-ի տնօրենի ժամանակավոր պաշտոնակատար Միքայել Մանուկյանը, տնօրենի առաջին տեղակալ, գլխավոր անտառապետ  Ռուբեն Պետրոսյանը  հունիսի 30-ին աշխատանքային հանդիպում են ունեցել  ՄԱԿ-ի Պարենի և Գյուղատնտեսության կազմակերպության (ՊԳԿ- FAO) փորձագետ Տրեվոր Սելֆի հետ: Հանդիպման ընթացքում քննարկվել են  «Հայաստանի արտադրական լանդշաֆտների կլիմայի փոփոխության նկատմամբ տոկունության հզորացում» ծրագրի  իրականացման հետ կապված հարցեր: Շեշտվել է, որ գլոբալ կլիմայական փոփոխություններն իրենց անմիջական ազդեցությունն են թողնում գյուղատնտեսական արտադրության, մասնավորապես՝ հողերի և անտառների կառավարման վրա, և այդ փոփոխությունների բացասական հետևանքները մեղմացնելու համար անհրաժեշտ է հզորացնել կլիմայի փոփոխության նկատմամբ գյուղական համայնքերի տոկունությունը և հիդրոլոգիական էկոհամակարգի ֆունկցիաները՝ կիրառելով հողի և անտառների բարելավված կառավարում:

ՊԳԿ-ի ներկայացուցիչը հիշեցրել է, որ  իրենք  սկսել  են մի գործընթաց, որով աջակցելու են «Կանաչ կլիմայի հիմնադրամ»-ին՝ ծրագրային առաջարկ ներկայացնելու հարցում:

Տեղեկացնենք, որ «ՄԱԿ-ի պարենի և գյուղատնտեսության կազմակերպությունը և «Կանաչ կլիմայի հիմնադրամ»-ը ստորագրել են Պատրաստակամության շրջանակային համաձայնագիր, որի նպատակն է զարգացող երկրներին հնարավորություն տալ համագործակցել ՊԳԿ-ի հետ՝ անդամակցելու «Կանաչ կլիմայի հիմնադրամ»-ին և մշակելու ազգային հարմարվողականության պլաններ և կլիմայի փոփոխության մեղմման ազգային գործողությունների ծրագրեր:

 Տրեվոր Սելֆը նաև նշել է, որ վեր հանված խնդիրների հիման վրա փորձագետների թիմը կմշակի ծրագրի վերջնական տարբերակ, որը կներկայացվի «Կանաչ կլիմա»-ի հիմնադրամին՝ հետագա ֆինանսավորման համար: Սելֆն ընդգծել է, Հայաստանում կատարված ուսումնասիրությունների արդյունքում կարիքների գնահատում և ինստիտուցիոնալ վերլուծություն է տեղի ունեցել և անչափ կարևորվել, որ ավելի ընդգծվի «Հայանտառ»-ի դերն ու նշանակությունը:

«Հայանտառ» ՊՈԱԿ-ի տնօրենի ժամանակավոր պաշտոնակատար Միքայել Մանուկյանն էլ իր խոսքում ընդգծել է, որ արդեն իսկ ուղենշված է անտառի կարգավիճակի բարձրացման խնդիրը:

 

 

 

 

Արտապլանային հատուկ տակտիկական ուսումնավարժություն՝ «Անտառային հրդեհների կանխարգելում և օջախների վերացում» թեմայով

 06/30/2017

 

Համաձայն ՀՀ  գյուղատնտեսության նախարարի 2017 թվականի  հունիսի 22-ի  N 153-Ա հրամանի`  ս.թ. հունիսի 27-ին  ՀՀ գյուղատնտեսության նախարարության «Հայանտառ» ՊՈԱԿ-ի «Գուգարքի անտառտնտեսություն» մասնաճյուղում անց է կացվել  «Անտառային հրդեհների կանխարգելում և օջախների վերացում» թեմայով արտապլանային հատուկ տակտիկական ուսումնավարժություն:       Միջոցառմանը մասնակցում էին ՀՀ գյուղատնտեսության նախարարության աշխատակազմի, «Հայանտառ» ՊՈԱԿ-ի կենտրոնական և մարզային կառույցների,  «Անտառային պետական մոնիտորինգի կենտրոն» ՊՈԱԿ-ի, Լոռու մարզպետարանի, ՀՀ արտակարգ իրավիճակների նախարարության  մարզային փրկարարական վարչության,   Վանաձորի քաղաքապետարանի և մի շարք անտառամերձ համայնքների ներկայացուցիչներ:  

  Ուսումնավարժության նպատակն էր ուսումնասիրել մարզային կազմակերպությունների և համայնքների ղեկավար կազմի հմտություններն ու ունակություններն անտառային հրդեհների կանխարգելման և հրդեհաշիջման  գործում, ինչպես նաև ստուգել մարզի փրկարարական  վարչության  և անտառտնտեսությունների կողմից հաստատված «Անտառների հակահրդեհային  պահպանության միջոցառումներ» ծրագրի համապատասխանությունը` ստեղծված իրավիճակին:

 Տեղեկացնենք, որ ուսումնավարժությունն իրականացվել է երկու փուլով: Առաջին փուլի ընթացքում քննարկվել են  հանրապետության անտառների հրդեհավտանգ իրավիճակին, անտառների վրա հրդեհների ազդեցութանը վերաբերող հարցեր:

«Հայանտառ» ՊՈԱԿ-ի Անտառների պահպանության և պաշտպանության բաժնի գլխավոր մասնագետ Ադելաիդա Մանուկյանը ներկայացրել է անտառային հրդեհների 5 տարվա դինամիկան,  անդրադարձ է կատարվել օրենսդրական դաշտին, անտառային հրդեհների հայտնաբերման գործում երկրատեղեկատվական համակարգի կիրառման հարցին:

Գլխավոր մասնագետի խոսքով՝ 2013 թվականից հանրապետությունում հրդեհների աճ է գրանցվել: Ներկայացնելով վիճակագրական տվյալներ՝ գլխավոր մասնագետն ընդգծել է, որ 2013 թվականին «Հայանտառ» ՊՈԱԿ-ի 19 անտառտնտեսություններից 8-ում հրդեհների 20 դեպք է գրանցվել, 2014 թվականին՝ 4 մասնաճյուղերում՝ 24 դեպք, 2015- 2016 թվականներին՝ 32-ական: Գլխավոր մասնագետը նաև նկատել է, որ հրդեհների կանխարգելման համար առաջին հերթին պետք է պարզել դրանց առաջացման պատճառները:  

Մասնավորապես նշվել է, որ հանգստի կազմակերպման, ինչպես նաև անտառային հատապտուղների հավաքման նպատակով ամառային սեզոնին աճում է ազգաբնակչության հոսքը դեպի անտառային տարածքներ և հաճախ հրդեհային անվտանգության կանոնները խախտելու պատճառով  ստեղծվում է հրդեհավտանգ իրավիճակ: Հիշեցվել է, որ չնախատեսված տարածքներում  խարույկներ վառելը, խոտածածկ տարածքներում ապակյա տարաներ, ոչ լրիվ մարած կրակի օջախներ թողնելը կարող են հրդեհների բռնկման և տարածման պատճառ հանդիսանալ, ինչպես նաև  վտանգ են ներկայացնում անտառամերձ բնակավայրերի համար, որոնք կարող ենք հայտնվել կրակի շրջափակման մեջ:   Ընդգծվել է նաև, որ լրջագույն վտանգ են ներկայացնում գյուղատնտեսական հողատեսքերի հրկիզումը:

 

1

2

4

5

3

Երկրորդ փուլի ընթացքում «Գուգարքի անտառտնտեսություն» մասնաճյուղի տարածքում`Արջուտ համայնքի մոտ, իրականացվել է անտառային տարածքի պայմանական հրդեհում և հրդեհաշիջում:  Անտառտնտեսության աշխատակիցների ուժերով կատարվել են առաջնային հրդեհաշիջման աշխատանքներ` մինչև ԱԻՆ մարզային փրկարար վարչության Վանաձորի  հրշեջ  փրկարարական  ջոկատի հրշեջների  ժամանումը: Բացի այդ,  «Անտառային պետական մոնիտորինգի կենտրոն» ՊՈԱԿ-ի կողմից միջոցառման ընթացքում փորձարկվել է անօդաչու թռչող սարք` ընդհանուր պատկերը վերլուծելու,  հրդեհի  հնարավոր այլ օջախներ հայտնաբերելու նպատակով:

 

Քննարկվել են Արագածոտնի մարզի անտառպահպանությանը վերաբերող հարցեր

06/29/2017

 ՀՀ գյուղատնտեսության նախարարարության «Հայանտառ» ՊՈԱԿ-ի տնօրենի ժամանակավոր պաշտոնակատար Միքայել Մանուկյանն այսօր` հունիսի 29-ին,  աշխատանքային այցով Արագածոտնի մարզում էր:  Այնտեղ տեղի է ունեցել հանդիպում՝ Արագածոտնի մարզպետ Գաբրիել Գյոզալյանի, ՀՀ գյուղատնտեսության նախարար Իգնատի Առաքելյանի, փոխնախարար Աշոտ Հարությունյանի,  «Հայանտառ» ՊՈԱԿ-ի տնօրենի ժամանակավոր պաշտոնակատար Միքայել Մանուկյանի,  մարզի անտառտնտեսության տնօրենի և աշխատակիցների միջև:

Հանդիպման ընթացքում քննարկվել են անտառպահպանությանը և անտառվերականգնմանը վերաբերող հարցեր, նախանշվել են առաջիկա անելիքները:

Քննարկվել են անտառային բերքի ծավալների ճշգրտմանը և իրացմանը վերաբերող հարցեր

06/29/2017

ՀՀ գյուղատնտեսության նախարարության «Հայանտառ» ՊՈԱԿ-ի տնօրենի ժամանակավոր պաշտոնակատար Միքայել Մանուկյանը, տնօրենի տեղակալ Ռուբեն Կարապետյանը, Անտառների և անտառային հողերի օգտագործման բաժնի պետ Արա Մեջլումյանը  հունիսի 26-27-ին աշխատանքային այցով եղել են  Տավուշի և Լոռու մարզերում:

Այցի ընթացքում տեղի են ունեցել հանդիպումներ մարզերի անտառտնտեսությունների մասնաճյուղերի աշխատակիցների հետ, քննարկվել են ոլորտային խնդիրներ: Մասնավորապես, անդրադարձ է կատարվել ապօրինի ծառահատումների դեմ խստացված պայքարին վերաբերող հարցերին, անտառային բերքի ծավալների ճշգրտման և հետագա իրացման խնդիրներին: Քննարկվել են նաև օրակարգային այլ հարցեր:

Զգուշացում՝ անտառային և հարակից տարածքներում հրդեհների առաջացումն ու տարածումը կանխելու նպատակով

Հանրապետությունում ջերմաստիճանի կտրուկ բարձրացման պատճառով անտառային և հարակից տարածքներում մեծացել է հրդեհների առաջացման և տարածման վտանգը:
Հաշվի առնելով այն հանգամանքը, որ հանրապետության մի շարք մարզերում (մասնավորապես Արմավիր, Արարատ, Տավուշ) սկսվել է հացահատիկային մշակաբույսերի բերքահավաքը` ՀՀ գյուղատնտեսության նախարարությունը հորդորում է առանձնակի զգոնություն ցուցաբերել այդ աշխատանքներն իրականացնելիս` հիշեցնելով, որ «Մթնոլորտային օդի պահպանության մասին» ՀՀ օրենքի համաձայն` արգելվում է այրել խոզանները, բուսական մնացորդներով ու չորացած բուսականությամբ տարածքները, արոտավայրերի ու խոտհարքերի բուսականությունը գյուղատնտեսական, անտառամերձ, անտառային ու բնության հատուկ պահպանվող հողերում:

Տեղեկացնում ենք, որ արգելվում է անտառային տարածքներում
1/ Կրակ վառել
2/Վառվող լուցկի կամ ծխախոտի մնացորդ գցել
3/Յուղերով կամ բենզինով ներծծված լաթեր թողնել
4/Ներքին այրման շարժիչների աշխատանքի ժամանակ մեքենան վառելիքով լիցքավորել, ինչպես նաև ծխել լիցքավորվող մեքենաների մոտ:
Խարույկ կամ կրակ թույլատրվում է վառել միայն դրանց համար նախատեսված վայրերում և վերջում հանգցնել այն: Միաժամանակ տեղեկացնում ենք, որ գործող օրենսդրությամբ քրեական և առանձնապես խոշոր չափերի հասնող նյութական պատասխանատվություն է սահմանված ինչպես դիտավորությամբ, այնպես էլ անզգուշությամբ անտառային տարածքներին վնաս պատճառելու համար:
ՀՀ գյուղատնտեսության նախարարարության «Հայանտառ» ՊՈԱԿ-ը հրդեհավտանգ անտառտարածքներում սահմանել է շուրջօրյա հսկողություն: Անտառային հրդեհների ծագման դեպքում հորդորում ենք անմիջապես զանգահարել ՀՀ արտակարգ իրավիճակների նախարարության 911 հեռախոսահամարով կամ «Հայանտառ» ՊՈԱԿ հետևյալ հեռախոսահամարներով` ժամը 9 : 00 – 18 : 00 ` 65-01-24, 65-47-28 :

Հարգելի հայրենակիցներ, ՀՀ գյուղատնտեսության նախարարության «Հայանտառ» ՊՈԱԿ-ը կազմակերպում է գեղարվեստական մրցույթ՝ նվիրված «Եվրոպական անտառների շաբաթ»-ին, որն անցկացվելու է սույն թվականի հոկտեմբեր ամսին: Մրցույթի հիմնական նպատակն է իրազեկել երիտասարդներին՝ անտառի նշանակության մասին: Մրցույթին կարող են մասնակցել 5-19 տարեկանները:

Մրցույթը կանցկացվի երեք տարիքային խմբերի համար.

1-ին խումբ՝ 5 – 8 տարեկաններ

2-րդ խումբ՝ 9 – 12 տարեկաններ

3-րդ խումբ՝ 13 – 19 տարեկաններ

Մասնակցության պայմաններ. Կարելի է նկարել թվային կամ սովորական մեթոդներով՝ օգտագործելով գրիչներ, մատիտներ, գունավոր կավիճ, ածուխ, յուղաներկ, ակրիլ կամ ջրաներկ: Աշխատանքը ներկայացնելու համար անհրաժեշտ է նկարի սկանը կամ ֆոտոպատկերը «JPEG» ձևաչափով կցել լրացված հարցաշարին և ուղարկել antarayin-shabat@yandex.ru էլ. հասցեին: Հարցերի դեպքում կարող եք զանգահարել «Հայանտառ» ՊՈԱԿ-ի Հատուկ պահպանվող տարածքների կառավարման բաժին՝ հետևյալ հեռախոսահամարով՝ (011) 65 37 24: Յուրաքանչյուր տարիքային խմբում կընտրվի մեկ հաղթող նկար և երեք մեդալակիր: Աշխատանքները կընդունվեն 2017 թվականի հուլիսի 1-20-ը: Առաջին երեք տեղերի համար սահմանված են մրցանակներ: Նշենք նաև, որ այս մրցույթի հաղթողները հնարավորություն կունենան մասնակցելու նաև ՄԱԿ-ի Պարենի և գյուղատնտեսության կազմակերպության (ՊԳԿ-FAO) կազմակերպած մրցույթին:

Մասնակիցները պետք է ներկայացնեն նաև հետևյալ տվյալները.

1. Անուն

2. Ազգանուն

3. Հասցե

4. Էլ. Հասցե

5. Հեռախոս

6. Ծննդյան տարեթիվ

7. Աշխատանքի անվանում

8. Աշխատանքի կարճ նկարագրություն (Մաքսիմում 140 նիշ)