enhy
slide
slide
slide
slide
slide
Prev
Next
ՏԵՍԱՆՅՈՒԹԵՐ
ՀԵՏԵՎԵՔ ՄԵԶ
Facebookyoutube

Lusine Hakobyan

Համագործակցության առաջարկ՝ պտուղ-բանջարեղեն վերամշակող կազմակերպություններին

02.08.2017

 

ՀՀ գյուղատնտեսության նախարարության «Հայանտառ» ՊՈԱԿ-ը տեղեկացնում է՝

 

2017 թվականի սպասվող բերքի ծավալներից ելնելով՝  շուկայական մրցունակ գներով վաճառքի է հանվելու էկոլոգիապես մաքուր

մասուր, հոն, անտառային տանձ և խնձոր։

Պտուղ-բանջարեղենի վերամշակման շուկայում գործող կազմակերպություններին հրավիրում ենք համագրոծակցության։

Կապ մեզ հետ՝

«Հայանտառ» ՊՈԱԿ-ի ընդունարան՝  010 65 17 38

Մարկետինգի և կոմերցիայի բաժին՝ 011 65 46 97

Բաժնի պետ՝ Վաղարշակ Սարգսյան՝  093 17 72 22

 

«Հայանտառ»-ի աշխատակիցները մասնակցել են համապետական շաբաթօրյակին

30. 07. 2017

ՀՀ գյուղատնտեսության նախարարության «Հայանտառ» ՊՈԱԿ-ի աշխատակիցները սույն թվականի հուլիսի 29-ին մասնակցել են համապետական շաբաթօրյակին: 
ՊՈԱԿ-ի աշխատակիցները, մասնավորապես, մասնակցել են Երևանի Կոմիտասի այգու տարածքի մաքրման լայնածավալ աշխատանքներին:

1 02 2 3 5 7 8 47 77 778 8213 85222

Հանձնարարականներ՝ անտառային ոլորտի համալիր բարեփոխումների վերաբերյալ

27. 07. 2017

Այսօր, հուլիսի 27-ին, կառավարության նիստում օրակարգին անցնելուց առաջ վարչապետ Կարեն Կարապետյանն անտառային ոլորտի համալիր բարեփոխումների վերաբերյալ հանձնարարականներ է տվել։

Կարապետյանի խոսքով՝ անտառային ոլորտի բարեփոխումների մշակված հայեցակարգը բավարար լուծումներ չի նախատեսում անտառների պահպանության, ապօրինի ծառահատումների դեմ պայքարի, ինչպես նաև՝ առկա պատասխանատու կառույցների կառավարման և գործունեության խնդիրների արդյունավետ լուծման համար: «Փաստաթղթերում բացակայում են անհրաժեշտ օրենսդրական փոփոխություններին ուղղված առաջարկություններ»,- ասել է Կարապետյանը:
Վարչապետը ՀՀ գյուղատնտեսության, բնապահպանության, տարածքային կառավարման և զարգացման նախարարներին հանձնարարել է մեկամսյա ժամկետում համատեղ մշակել և կառավարության աշխատակազմ ներկայացնել անտառային ոլորտի բարեփոխումների հայեցակարգի լրամշակված նախագիծը՝ ամրագրելով վերոնշյալ խնդիրներին ուղղված հստակ, գործնական և օրենսդրական լուծումներ։

«Մենք ունենք անտառտնտեսությամբ զբաղվող մի քանի կառույցներ, որտեղ գործառույթները հստակ տարանջատված չեն։ Այս հանձնարարականի տրամաբանությունը հետևյալն է՝ մենք ուզում ենք, որ կառավարի մեկ կառույց և վերահսկի մեկ այլ կառույց, որպեսզի առաջանա համապատասխան աշխատանքային շահերի բախում, որտեղ կստեղծվեն արդյունավետությանը նպաստող պայմաններ»,- ասել է վարչապետը։

Կստեղծվի հայ-բելառուսական բարեկամության պուրակ. կայացել է միջկառավարական խորհրդի 17-րդ նիստը

26․ 07․ 2017

 

ՀՀ գյուղատնտեսության նախարարության «Հայանտառ» ՊՈԱԿ-ի տնօրենի ժամանակավոր պաշտոնակատար Միքայել Մանուկյանը և ՊՈԱԿ-ի տնօրենի տեղակալ, գլխավոր անտառապետ Ռուբեն Պետրոսյանը հուլիսի 19-22-ն աշխատանքային այցով Բելառուսի Հանրապետությունում էին: Մանուկյանն ու Պետրոսյանը մասնակցել են ԱՊՀ երկրների Անտառարդյունաբերական համալիրի, անտառային տնտեսության և անտառարդյունաբերության միջկառավարական խորհրդի 17-րդ նիստին, որին ներկա էին 4 երկրների (Հայաստան, Ռուսաստան, Բելառուս, Ղազախստան) ներկայացուցինչներ:
Միքայել Մանուկյանն իր ողջույնի խոսքում ընդգծել է նիստի գումարման անհրաժեշտությունը՝ մասնավորեցնելով, որ նմանօրինակ հարթակներն անտառկառավարման ու անտառպահպանության ոլորտներում փորձի փոխանակման, համատեղ որոշումների կայացման համար լավագույններից են:

4 5

Նիստի ընթացքում Հայաստանի և Բելառուսի Հանրապետությունների միջև ձեռք է բերվել համագործակցության պայմանավորվածություն՝ երկու հանրապետությունների անվան բարեկամական պուրակ ստեղծելու մասին, որի համատեքստում Բելառուսը Հայաստանին է նվիրաբերելու փակ արմատային համակարգով 50 հազար տնկանյութ: Պուրակը նախատեսվում է հիմնադրել 2018 թվականի գարնանը:

2

Նիստին ընդունվել են խորհրդի որոշումներ, որոնք միտված են նպաստելու անտառային տնտեսության զարգացմանը, համագործակցության պայմանավորվածություն է ձեռք բերվել նաև անտառկառավարման պլանների մշակման ուղղությամբ:
Աշխատանքային այցի շրջանակներում հայկական պատվիրակությունն այցելել է Բելառուսի անտառային տնտեսության նախարարության «Բարիսովսի» անտառտնտեսություն, որտեղ ծանոթացել է ժամանակակից տնկարանային տնտեսությանը, տնկանյութի աճեցման ժամանակակից տեխնոլոգիաներին:

Այցելություն է եղել նաև «Բել Լես պրոեկտ» կազմակերպության կենտրոնական գրասենյակ, որտեղ հայկական պատվիրակության ներկայացուցիչները ծանոթացել են անտառճանապարհների կառուցման, որստնտեսության նախագծման և այլ աշխատանքների: Հայկական պատվիրակությունը եղել է նաև «Ամկադոր» անտառտնտեսական սարքավորումների և մեքենաների արտադրության գործարանում, որտեղ ծանոթացել է ժամանակակից անտառային տնտեսությունում օգտագործվող տրանսպորտային միջոցներին: Այց է եղել նաև «Սերմնային և տնկարանային տնտեսության» կենտրոն, որտեղ հնարավոր է եղել ծանոթանալ բիոտեխնոլոգիայի շնորհիվ ստացվող անտառային տնկանյութի աճեցմանը:

7 8 9 94 95 96 97 98 99 1500

 

«Հայանտառ»-ը ձեռնարկում է լրացուցիչ միջոցառումներ՝ անօրինական անտառահատումները կանխելու ուղղությամբ

26.07.2017

ՀՀ գյուղատնտեսության նախարարության «Հայանտառ» ՊՈԱԿ-ը հայտնում է` չնայած շարունակական բնույթ կրող կանխարգելիչ միջոցառումներին, արձանագրվում են ապօրինի անտառահատումների դեպքեր, ինչը հաշվի առնելով, համագործակցելով պատկան մարմինների հետ, ձեռնարկում ենք լրացուցիչ միջոցառումներ՝ անօրինական անտառահատումները կանխելու, օրինազանցներին օրենսդրությամբ սահմանված կարգով պատասխանատվության ենթարկելու, պետությանը հասցված վնասը վերականգնելու ուղղությամբ: 
Անհրաժեշտ աշխատանքներ են տարվում անտառկառավարման և անտառպահպանման նոր հայեցակարգի մշակման ուղղությամբ, այդ թվում՝ անօրինական ծառահատումների ոլորտը կարգավորող օրենսդրական և ենթաօրենսդրական ակտերում նկատված բացերի լրացման համար անհրաժեշտ փոփոխություններ իրականացնելու ուղղությամբ:
«Հայանտառ» ՊՈԱԿ-ն ազգաբնակչությանը հորդորում է ձեռնպահ մնալ ապօրինի ծառահատումներից, խուսափել անտառային տարածքներում անօրինական գործողություններից, հետևել անտառների պահպանման և պաշտպանության կանոններին, խուսափել արգելված և վտանգավոր վայրերում հրդեհների բռնկմանը նպաստող գործողություններից, անտառներում պահպանել սանիտարական պատշաճ մակարդակ:

«Հայանտառ» ՊՈԱԿ-ի տնօրենի ԺՊ-ն ու գլխավոր անտառապետն աշխատանքային այցով կմեկնեն Բելառուսի Հանրապետություն

19. 07. 2017

«Հայանտառ» ՊՈԱԿ-ի տնօրենի ժամանակավոր պաշտոնակատար Միքայել Մանուկյանը և ՊՈԱԿ-ի տնօրենի տեղակալ, գլխավոր անտառապետ Ռուբեն Պետրոսյանն այսօր՝ հուլիսի 19-ին, աշխատանքային այցով կմեկնեն Բելառուսի Հանրապետություն՝ մասնակցելու ԱՊՀ երկրների Անտառարդյունաբերական համալիրի, անտառային տնտեսության և անտառարդյունաբերության միջկառավարական խորհրդի 17-րդ նիստին։

Իրականացվել են կանխարգելիչ հրդեհաշիջման աշխատանքներ

14. 07. 2017

Հաշվի առնելով այն հանգամանքը, որ հանրապետության տարածքում նկատվում է բարձր ջերմային ֆոն և հրդեհների առաջացման հավանականությունը մեծ է, «Հայանտառ» ՊՈԱԿ-ը դիմել է ՀՀ արտակարգ իրավիճակների նախարարությանը՝ առաջարկելով համատեղ իրականացնել կանխարգելիչ հրդեհաշիջման աշխատանքներ:

Այսօր՝ հուլիսի 14-ին, «Հրազդանի անտառտնտեսություն» մասնաճյուղի երևանյան տեղամասի ներկայացուցիչները և ԱԻՆ-ի աշխատակիցները Երևանի Նորք-Մարաշ վարչական շրջանում գտնվող անտառամերձ խոտածածկ տարածքում իրականացրել են կանխարգելիչ հրդեհաշիջման աշխատանքներ:

11

22

33

44

Անտառգնահատման դաշտային ուսուցում՝անտառտնտեսությունների աշխատակիցների համար

14. 07. 2017

ՀՀ գյուղատնտեսության նախարարության «Հայանտառ» ՊՈԱԿ-ը սույն թվականի հուլիսի 18-ին, 19-ին, 21-ին և 26-ին Գուգարքի, Ստեփանավանի, Սևքարի և Հրազդանի անտառտնտեսություններում նախատեսում է իրականացնել անտառգնահատման դաշտային ուսուցում՝ անտառապետերի, պահպանության  ինժեներների և անտառտնտեսությունների տեխնիկների մասնագիտական կարողությունների բարելավման նպատակով: Դասընթացը կվարի «Անտառի կառավարման ինֆորմացիոն համակարգ» (FMIS) ծրագրի փորձագետ Սերգեյ Ազատյանը:

Տեղեկացնենք, որ ուսուցումն անցկացվելու է հետևյալ թեմաների շրջանակներում.

Ծառուտի բացարձակ լրիվության, բարձրության, տրամագծի, տարիքի, կեղևի հաստության չափում  

Տեղանքի թեքության, դիրքադրության որոշում

Վերաճի, մատղաշի և ենթաանտառների գնահատում, փորձահրապարակի քարտի լրացում, չափման տվյալների հիման վրա տաքսացիոն ցուցանիշների հաշվարկում

ArcPad ծրագրով աշխատող Trimble Juno ձեռքի համակարգչով աշխատելու հմտությունների ձեռք բերում

 

Դասընթացները կանցկացվեն հետևյալ ժամանակացույցով.

«Գուգարքի անտառտնտեսություն» մասնաճյուղ – 18. 07. 2017, ժամը՝ 10:00

«Ստեփանավանի անտառտնտեսություն» մասնաճյուղ- 19. 07. 2017

«Սևքարի անտառտնտեսություն» մասնաճյուղ- 21. 07. 2017

«Հրազդանի անտառտնտեսություն» մասնաճյուղ- 26. 07. 2017

 

Ուսումնասիրություններ՝ «Եղեգնուտի անտառտնտեսության» Փամբակի անտառպետության տարածքում

14. 07. 2017

«Հայանտառ» ՊՈԱԿ-ը տեղեկացնում է՝ համաձայն «Հայաստանի կանաչների միություն» ՀԿ-ի նախագահ Հակոբ Սանասարյանի կողմից բարձրացված խնդրի, որը վերաբերում էր «Եղեգնուտի անտառտնտեսության» մերձակայքում ժայռաթափման հետևանքով նկատված անտառային տարածքների կրած որոշակի վնասներին, տեղեկացնում ենք, որ դաշտային ուսումնասիրություններ են կատարվել «Եղեգնուտի անտառտնտեսություն» մասնաճյուղի Փամբակի անտառպետության տարածքում, որի անմիջական հարևանությամբ անցնում է Վանաձոր-Ալավերդի-Վրաստան միջպետական ավտոճանապարհը:

Պարզաբանենք, որ Սանասարյանի կողմից արված լուսանկարները, որոնք «Յուրայի աղբյուր»-ին հարող տարածքն են պատկերում, «Եղեգնուտի անտառտնտեսության» հողային տարածնքների մաս չեն կազմում: Նշենք, որ ավտոճանապարհի վերանորոգման և բարելավման ծրագրի շրջանակներում կատարվող աշխատանքների հետևանքով առաջացած լեռնային գրունտի լիցքը, որը ծանր տեխնիկայի միջոցով լցված է ճանապարհի ներքևի հատվածում՝ «Յուրայի աղբյուր» կոչվող տեսամասի հարակից տարածքից արևմուտք է:

Իսկ «աղբի գադուկ» կոչվող տեղաղամասում արված լուսանկարների մասով տեղեկացնենք, որ նշված տարածքում դեռևս 2016 թվականի նոյեմբեր ամսին ճանապարհային  շինարարների կողմից կատարվող լիցքը մեր կողմից արգելվել է և չի շարունակվել մինչ օրս:

 

 

Սեմինար-քննարկում՝ Ղրղզստանում. կարևորվել է անտառտնտեսության կառավարման մեկ միասնական մոտեցման մշակման հարցը

13. 07. 2017

«Հայանտառ» ՊՈԱԿ-ի տնօրենի տեղակալ Ռուբեն Կարապետյանը սույն թվականի հուլիսի 4-6-ը մասնակցել է Ղրղզստանի Իսիկուլի մարզում  նախկին ԱՊՀ երկրների անտառային ոլորտի մասնագետների մասնակցությամբ տեղի ունեցած սեմինար- քննարկմանը: Սեմինարի անցկացման նպատակն էր բարձր հիմքերի վրա դնել անտառտնտեսության  խնդիրների և մյուս անհրաժեշտ միջոցառումների լուսաբանման, անտառային սեկտորում ռազմավարական կոմունիկացիաների զարգացման հետ կապված հարցեր: Նշենք, որ սեմինարը կազմակերպվել էր ՄԱԿ-ի Պարենի և Գյուղատնտեսության կազմակերպության (ՊԳԿ- FAO) ծրագրով, Ֆինլանդիայի և Ավստրիայի կառավարությունների աջակցությամբ:

Սեմինար-քննարկման մասնակիցներն առանձնակի ուշադրության են արժանացրել  անտառտնտեսության կառավարման ոլորտում իրականացվող գործողությունների ճիշտ և համակողմանի լուսաբանման հարցին:

«Հայանտառ» ՊՈԱԿ-ի տնօրենի տեղակալ Ռուբեն Կարապետյանն իր խոսքում ընգծել է, որ ՊՈԱԿ-ի և հասարակական կազմակերպությունների՝ անտառային խնդիրների կարգավորման վերաբերյալ մոտեցումները հաճախ տարբեր են լինում, ինչը հասարակության շրջանում տարընկալումների տեղիք է տալիս:

 Կարապետյանը նշել է, որ կարևոր է անտառկառավարման ոլորտում մեկ միասնական մոտեցման մշակման հարցը, որի շնորհիվ հնարավոր կլինի թիրախավորված լսարանին համապատասխան ինֆորմացիայի ճիշտ մատուցում: Կարապետյանը հավելել է, որ միասնական մոդելի մշակման հարցը հնարավորություն կստեղծի պարզաբանել, լուսաբանել  այն գործողությունների օրինականությունը, որոնք կատարվում են անտառային տնտեսության կառավարման ոլորտում:

unnamed

unnamed (1)

unnamed (2) 

unnamed (3)

unnamed (4)

unnamed (5)