enhy
slide
slide
slide
slide
slide
Prev
Next
ՏԵՍԱՆՅՈՒԹԵՐ
ՀԵՏԵՎԵՔ ՄԵԶ
Facebookyoutube
ԹԵԺ ԳԻԾ

Lusine Hakobyan

Կայացել է համապետական ծառատունկ. Միքայել Մանուկյանը մասնակցել է Բյուրականի տարածքում կազմակերպված ծառատունկին

04. 11. 2017

ՀՀ գյուղատնտեսության նախարարության «Հայանտառ» ՊՈԱԿ-ի կողմից այսօր՝ նոյեմբերի 4-ին, առաջին անգամ Հայաստանի գրեթե բոլոր մարզերում միաժամանակ կազմակերպվել է համապետական ծառատունկ:

Տեղեկացնենք, որ ՀՀ գյուղատնտեսության նախարար Իգնատի Առաքելյանը, «Հայանտառ» ՊՈԱԿ-ի տնօրեն Միքայել Մանուկյանը, Արագածոտնի մարզպետ Աշոտ Սիմոնյանը մասնակցել են «Արագածոտնի անտառտնտեսություն» մասնաճյուղի Բյուրականի անտառպետության տարածքի ծառատունկին։ Այս տարածքում ծառատունկին մասնակցել են նաև ԱԺ նախագահ Արա Բաբլոյանը, պատգամավորներ, աշխատակազմի ներկայացուցիչներ և այլք։  Մոտ 1,5 հեկտար տարածքում տնկվել է ավելի քան 1800 տնկանյութ (կաղնի, հացենի, կեչի):

1 3 4 5 6 7 8 9 10 11 12 15 16 17 18

«Հայանտառ»-ի տնօրեն Միքայել Մանուկյանն իր խոսքում ընդգծել է, որ ծառատունկն ամբողջությամբ կազմակերպվել է հենց «Հայանտառ»-ի ունեցած տնկանյութերով և առաջիկայում էլ առնվազն 5000 տնկանյութ հատկացվելու է Երևանի քաղաքապետարանին:

Տեղեկացնենք, որ Բյուրականի անտառպետության տարածքում ծառատունկ են իրականացրել նաև «Չոր մարքեթինգ» ակումբի անդամները՝ 1 հեկտար տարածքում տնկելով 2500  տնկանյութ:

Նշենք, որ համապետական ծառատունկի համար նախատեսվել էր մոտ 35 հեկտար տարածք՝ ավելի քան 42 հազար տարբեր տեսակի տնկանյութի համար (կաղնի, սոճի, հացենի, թխկի, կեչի և այլն)։ 

13 14

Հանրապետության մյուս տարածքներում կազմակերպված ծառատունկի մասին ինֆորմացիան կներկայացնենք հաջորդիվ:

 «Հայանտառ» ՊՈԱԿ-ի լրատվական ծառայություն

Ավելի քան 42 հազար տնկանյութ՝ մոտ 35 հեկտար տարածքում․ կկազմակերպվի համապետական ծառատունկ

03․ 11․ 2017

ՀՀ գյուղատնտեսության նախարարության «Հայանտառ» ՊՈԱԿ-ն առաջին անգամ Հայաստանի գրեթե բոլոր մարզերում միաժամանակ կազմակերպում է համապետական ծառատունկ։ Այս նախաձեռնության մեկնարկը կտրվի նոյեմբերի 4-ին՝ ժամը 11։00-ին։ Մոտ 35 հեկտար տարածքում նախատեսվում է տնկել ավելի քան 42 հազար տարբեր տեսակի տնկանյութ (կաղնի, սոճի, հացենի, թխկի, կեչի և այլն)։ «Հայանտառ»-ը հետևողական է լինելու ծառերի կպչողականության ու հետագա աճի ապահովման հարցում։ 

Տեղեկացնենք, որ ՀՀ գյուղատնտեսության նախարար Իգնատի Առաքելյանը, «Հայանտառ» ՊՈԱԿ-ի տնօրեն Միքայել Մանուկյանը  մասնակցելու են «Արագածոտնի անտառտնտեսություն» մասնաճյուղի Բյուրականի անտառպետության տարածքի ծառատունկին։ Այս տարածքում ծառատունկին կմասնակցեն նաև ԱԺ պատգամավորներն ու աշխատակազմը և այլք։ 

Նշենք, որ նախորդիվ  ևս «Հայանտառ»-ի կողմից կազմակերպվել են բազմաթիվ ծառատունկեր, բայց դրանք հիմնականում տեղային բնույթ են կրել և նման ընդգրկում չեն ունեցել։ Այս ծառատունկը նաև նրանով է առանձնանում, որ միտված է հնարավորինս վերականգնել նախորդող ամիսների ընթացքում աննախադեպ հրդեհների հետևանքով վնասված անտառային տարածքները։

 

«Հայանտառ» ՊՈԱԿ-ի լրատվական ծառայություն

 

Ստորագրվել են անտառային ոլորտում հայ-բելառուսական փոխգործակցության համաձայնագրեր․ 2018 թվականին կհիմնվի բարեկամության պուրակ

02․11․2017

ՀՀ գյուղատնտեսության նախարարության «Հայանտառ» ՊՈԱԿ-ի տնօրեն Միքայել Մանուկյանը փոխգործակցության համաձայնագրեր է ստորագրել Բելառուսի Հանրապետության անտառային տնտեսության նախարարության «Բելգիպրոլես»-ի տնօրեն Վլադիմիր Ռադյուկևիչի, «Բելգոսլես»-ի գլխավոր տնօրեն Անդրեյ Կոզակի, «Անտառային տնտեսության ղեկավարների և մասնագետների որակավորման բարձրացման հանրապետական կենտրոն»-ի տնօրեն Ալեքսանդր Ժուրավսկու հետ: Համաձայնագրերը ստորագրվել են համաձայն ԱՊՀ երկրների Անտառարդյունաբերական համալիրի, անտառային տնտեսության և անտառարդյունաբերության միջկառավարական խորհրդի 17-րդ նիստին հաստատված անտառային տնտեսության ոլորտում ԱՊՀ մասնակից երկրների համագործակցության հիմնական ուղղությունների մինչև 2025 թվականի միջոցառումների իրականացման պլանի: 

«Բելգիպրոլես»-ի հետ ստորագրված համաձայնագրով նախատեսվում է իրականացնել մինչև 10 կմ անտառտնտեսական ճանապարհների կառուցման, որսորդական տնտեսության ստեղծման, լայնատերև և ասեղնատերև ծառատեսակների պլանտացիաների, տնկարանային տնտեսությունների հիմնադրման, անտառտնտեսություններում դենդրոպարկերի ստեղծման, անտառտնտեսությունների և անտառպետությունների գրասենյակների կառուցման նախագծման աշխատանքներ։ 
«Բելգոսլես» կազմակերպության հետ համագործակցությամբ նախատեսվում է մինչև 50 հազար հա տարածքում իրականացնել անտառաշինական աշխատանքներ` ներգրավելով հայ մասնագետներին Հայաստանում անտառաշինական կառույցի ստեղծման նպատակով։ Մյուս համաձայնագրի շրջանակում, որը ստորագրվել է Բելառուսի Հանրապետության «Անտառային տնտեսության ղեկավարների և մասնագետների որակավորման բարձրացման հանրապետական կենտրոն»-ի հետ, հայ մասնագետները վերապատրաստում կանցնեն Բելառուսի Հանրապետությունում:
«Առաջիկայում նախատեսում ենք անտառկառավարման պլաններ կազմելու կազմակերպություն հիմնել և այդ առումով ևս բելառուսական փորձն օգտակար կլինի», – իր խոսքում նշել է «Հայանտառ» ՊՈԱԿ-ի տնօրեն Միքայել Մանուկյանը՝ հավելելով, որ հայկական կողմը ևս կարող է օգտակար լինել՝ փորձի փոխանակման առումով։
«Անցած մի քանի օրերի ընթացքում բելառուսական կողմի ներկայացուցիչները եղել են մի քանի անտառտնտեսություններում և զարմացել են, թե ինչպես կարելի է այս պայմաններում անտառ աճեցնել և պահել։ Շատ հետաքրքրված են, և մենք այդ մասով նրանց օգտակար խորհրդատվություն կարող ենք տալ»,- ասել է Մանուկյանը։
«Հայանտառ» ՊՈԱԿ-ի տնօրենը նաև ընդգծել է, որ բելառուսական կողմի հետ նախապես ձեռք բերված պայմանավորվածության համաձայն 2018 թվականին հայ-բելառուսական բարեկամության պուրակ է հիմնվելու։ Այդ նպատակով Բելառուսը Հայաստանին է նվիրաբերելու փակ արմատային համակարգով սոճենու տնկանյութեր, որոնք նախատեսվում է տնկել մինչև 15 հա տարածքում` Սևանի ավազանում և Լոռու մարզում: 
«Հայաստանից մեր երկիր ժամանած մասնագետներին, փորձի փոխանակման շրջանակներում, կցուցադրվի անտառնտնտեսություններում իրականացվող անտառաշինական աշխատանքների կազմակերպման ընթացքը, կներկայացվի՝ ինչպես է իրականացվում անտառների պահպանությունը, ինչպես ենք վարվում հրդեհների դեպքում»,- համաձայնագրի ստորագրումից հետո նշել է «Անտառային տնտեսության ղեկավարների և մասնագետների որակավորման բարձրացման հանրապետական կենտրոն»-ի տնօրեն Ալեքսանդր Ժուրավսկին։ 
«Բելգիպրոլես»-ի տնօրեն Վլադիմիր Ռադյուկևիչի խոսքով` «Հայանտառ»-ի մի քանի անտառտնտեսություններ կատարած այցերի ընթացքում եկել են այն եզրակացության, որ առաջնային խնդիր է անտառների պահպանության հարցը։ «Այստեղ եղած հնարավորությունների և մեր ունեցած ներուժի համադրումը կարող է շատ ավելի լավ արդյունքերի հանգեցնել»,- ասել է նա։ 
«Բելգոսլես» ընկերության գլխավոր տնօրեն Անդրեյ Կոզակն իր հերթին հավելել է, որ Հայաստանի և Բելառուսի միջև համագործակցությունն արդյունավետ կարող է լինել երկու երկրների համար էլ։ «Պլանավորել ենք իրականացնել անտառաշինական աշխատանքներ մինչև 50 հազար հա տարածքում՝ ներգրավելով հայ մասնագետներին։ Այս համագործակցությունն իսկապես օգտակար է մեր երկրների համար»,- նշել է նա։

Տեսանյութն՝ այստեղ

1 3

24

 

 

Հայ-բելառուսական համագործակցություն՝ անտառային ոլորտի արդյունավետ կառավարման ասպարեզում

31. 10. 2017 

ՀՀ գյուղատնտեսության նախարարարության «Հայանտառ» ՊՈԱԿ-ի տնօրեն  Միքայել Մանուկյանը և տնօրենի տեղակալ Ռուբեն Պետրոսյանը գյուղատնտեսության նախարարությունում՝ նախարար  Իգնատի Առաքելյանի գլխավորությամբ այսօր՝ հոկտեմբերի 31-ին,  հանդիպում են ունեցել անտառների կառավարման «Բելգոսլես» ընկերության գլխավոր տնօրեն Անդրեյ Կոզակի գլխավորած պատվիրակության հետ: Հանդիպման նպատակն էր քննարկել անտառային ոլորտի արդյունավետ կառավարմանը և պահպանմանն առնչվող հարցեր, ինչպես նաև նախանշել առաջիկայում նախատեսվող համատեղ ծրագրերը:

Անցած օրերի ընթացքում բելառուսական պատվիրակության հետ «Հայանտառ»-ում քննարկվել են Բելառուսում հայ մասնագետների վերապատրաստմանը, Հայաստանում անտառաշինություն իրականացնող կազմակերպության հիմնմանը վերաբերող և այլ հարցեր: Հանդիպումների ընթացքում պայմանավորվածություն է ձեռք բերվել երկու երկրների գյուղատնտեսության նախարարությունների համատեղ ջանքերով 2018 թվականի գարնանը Վանաձոր քաղաքին հարող մոտ 15 տարածքում հայ-բելառուսական բարեկամության պուրակ հիմնել:

1 2

 

Հանդիպումների ընթացքում քննարկվել են երկուստեք հետաքրքրություն ներկայացնող այլ հարցեր ևս:

«Հայանտառ»-ի Գուգարքի և Հրազդանի անտառտնտեսություններում իրականացվում են կոճղաշիվային վերաճի օժանդակման աշխատանքեր՝ ԳՄՀԸ աջակցությամբ

31. 10. 2017 

Գերմանիայի միջազգային համագործակցության ընկերության (ԳՄՀԸ/GIZ) «Կենսաբազմազանության ինտեգրված կառավարումը Հարավային Կովկասում» (ԿԻԿ) ծրագրի աջակցությամբ՝ «Հայանտառ» ՊՈԱԿ-ի Գուգարքի և Հրազդանի անտառտնտեսություններում իրականացվում են կոճղաշիվային վերաճի օժանդակման աշխատանքեր (ընդհանուր մոտ 200 հա տարածքում), որոնց ընթացքում նախատեսվում է կիրառել Անտառկառավարման ազգային տեղեկատվական համակարգը (ԱԱԿՏՀ)։

20170929_113749 (1)

Իրականացվող դաշտային միջոցառումներն առավել արդյունավետ նախապայմաններ կապահովեն նախկինում հատված անտառային տարածքների վերականգնման համար, իսկ գործողություններից ստացվող վառելափայտը կտրամադրվի հարակից համայնքների բնակիչներին: ԱԱԿՏՀ-ն տեղեկատվական համակարգ է, որն օգտագործվում է գործառնական պլանավորման, տեղեկությունների կառավարման և անտառային ոլորտի տարբեր հաստատությունների միջև տեղեկությունների փոխանակման համար: Կոճղաշիվային վերաճի օժանդակման համար Գուգարքի և Հրազդանի անտառտնտեսություններում ընտրված տարածքների վերաբերյալ համապատասխան տեղեկությունը՝ իրականացված դաշտային միջոցառումների վերաբերյալ տեղեկության հետ մեկտեղ, կմուտքագրվի ԱԱԿՏՀ և այնուհետ կկառավարվի տեղեկատվական համակարգում:

Նախատեսվում են նաև ուսուցումներ՝ կոճղաշիվային վերաճի օժանդակման և ԱԱԿՏՀ-ի վերաբերյալ: Դրանց մասնակցելու են Գուգարքի և Հրազդանի, ինչպես նաև «Հայանտառ» ՊՈԱԿ-ի այլ անտառտնտեսությունների աշխատակիցներ: Այսպիսով, «Հայանտառ» ՊՈԱԿ-ում կստեղծվեն հնարավորություններ՝ հետագայում այլ տարածքներում կոճղաշիվային վերաճի օժանդակման աշխատանքների իրականացման և ԱԱԿՏՀ-ի կիրառման համար:

IMG_9272IMG_9287

Տեղեկացնենք՝ ԿԻԿ-ը «Հայանտառ» ՊՈԱԿ-ին անհատույց տրամադրել է 8 շղթայական սղոց և 2 թուփ կտրող սարք՝ երկու նշված անտառնտեսություններում կոճղաշիվային վերաճի օժանդակման իրականացվող աշխատանքներում, ինչպես նաև՝ հետագայում նմանատիպ դաշտային միջոցառումներում օգտագործելու համար: Վերոնշյալ սարքավորումները «Հայանտառ» ՊՈԱԿ-ը փոխանցել է  Գուգարքի և Հրազդանի անտառտնտեսություններին։  

image

 

 

 

Արա Բաբլոյանն ԱԺ պատգամավորներին և աշխատակազմին կոչ է անում կազամակերպված մասանակցել ծառատունկին. Aysor.am

Aysor.am-ը գրում է․

««Հայանտառ» ՊՈԱԿ-ի կողմից հայտարարված համահայաստանյան ծառատունկին իրենց մասնակցությունը կունենան նաև պատգամավորներ և ԱԺ աշխատակազմի ներկայացուցիչներ, այս մասին խորհրդարանում հայտարարեց ՀՀ ԱԺ նախագահ Արա Բաբլոյանը։  

«Նոյեմբերի 4-ին համահայկական ծառատունկ է հայտարարված, որին, անշուշտ, իր ակտիվ մասնակցությունը կունենա նաև Ազգային ժողովը։ Տեղեկացնեմ պատգամավորներին և աշխատակազմին, որ մեքենաներն Ազգային ժողովի Դեմիրճյան մուտքից Բյուրականի շրջակայքում մեզ հատկացված տարածք կուղղվեն նոյեմբերի 4-ին, ժամը 10։00-ին։ Այն մարդիկ, ովքեր ցանկություն ունեն մասնակցելու, խնդրում եմ Դեմիրճյանի մուտքի մոտ հավաքվենք, որպեսզի կարողանանք կազմակերպված ձևով մեկնենք տարածք», –  ասաց Արա Բաբլոյանը»։ 

Մանրամասները՝ սկզբնաղբյուր կայքում։ 

Պատգամավորները կմասնակցեն «Հայանտառ»-ի կողմից կազմակերպված ծառատունկին.Armlur.am

Armlur.am-ը գրում է․

«ԱԺ նախագահ Արա Բաբլոյանն այսօր խորհրդարանում մի շարք նախագծերի քվեարկությունից հետո հայտարարեց, որ «Հայանտառ» ՊՈԱԿ-ի կողմից հայտարարված համահայաստանյան ծառատունկին իրենց մասնակցությունը կունենան նաև պատգամավորներ և Աժ աշխատակազմի ներկայացուցիչներ։ «Նոյեմբերի 4-ին համահայկական ծառատունկ է հայտարարված, որին, անշուշտ, իր ակտիվ մասնակցությունը կունենա նաև Ազգային ժողովը։ Տեղեկացնեմ պատգամավորներին և աշխատակազմին, որ մեքենաներն Ազգային ժողովի Դեմիրճյան մուտքից Բյուրականի շրջակայքում մեզ հատկացված տարածք կուղղվեն նոյեմբերի 4-ին, ժամը 10։00-ին։ Այն մարդիկ, ովքեր ցանկություն ունեն մասնակցելու, խնդրում եմ Դեմիրճյանի մուքտի մոտ հավաքվենք, որպեսզի կարողանանք կազմակերպված ձևով մեկնենք տարածք»,- ասաց Բաբլոյանը»։ 

Մանրամասները և տեսանյութը՝ սկզբնաղբյուր կայքում։

 

ԱԺ-ն ակտիվ մասնակցություն կունենա ծառատունկին․ Բաբլոյան. Yerkir.am

Yerkir.am-ը գրում է․

«ԱԺ նախագահ Արա Բաբլոյանն այսօր խորհրդարանում մի շարք նախագծերի քվեարկությունից հետո հայտարարեց, որ «Հայանտառ» ՊՈԱԿ-ի կազմակերպած համահայաստանյան ծառատունկին մասնակցությունը կունենան նաև պատգամավորներ և ԱԺ աշխատակազմի ներկայացուցիչներ։

«Նոյեմբերի 4-ին համահայկական ծառատունկ է հայտարարված, որին, անշուշտ, իր ակտիվ մասնակցությունը կունենա նաև Ազգային ժողովը։ Տեղեկացնեմ պատգամավորներին և աշխատակազմին, որ մեքենաներն Ազգային ժողովի Դեմիրճյան մուտքից Բյուրականի շրջակայքում մեզ հատկացված տարածք կուղղվեն նոյեմբերի 4-ին` ժամը 10։00-ին։ Այն մարդիկ, ովքեր ցանկություն ունեն մասնակցելու, խնդրում եմ Դեմիրճյանի մուտքի մոտ հավաքվեք, որպեսզի կարողանանք կազմակերպված ձևով մեկնենք տարածք»,- ասաց Բաբլոյանը»։

Մանրամասները՝ սկզբնաղբյուր կայքում։

 

 

Պատգամավորներն ակտիվ մասնակցություն կունենան «Հայանտառ»-ի կողմից կազմակերպված ծառատունկին

27. 10. 2017

ԱԺ նախագահ Արա Բաբլոյանն այսօր՝ հոկտեմբերի 27-ին,  խորհրդարանում մի շարք նախագծերի քվեարկությունից հետո հայտարարել է, որ «Հայանտառ» ՊՈԱԿ-ի կողմից կազմակերպված համահայաստանյան ծառատունկին իրենց մասնակցությունը կունենան նաև պատգամավորներ և Աժ աշխատակազմի ներկայացուցիչներ։

 «Նոյեմբերի 4-ին համահայկական ծառատունկ է հայտարարված, որին, անշուշտ, իր ակտիվ մասնակցությունը կունենա նաև Ազգային ժողովը։ Տեղեկացնեմ պատգամավորներին և աշխատակազմին, որ մեքենաներն Ազգային ժողովի Դեմիրճյան մուտքից Բյուրականի շրջակայքում մեզ հատկացված տարածք կուղղվեն նոյեմբերի 4-ին, ժամը 10։00-ին։ Այն մարդիկ, ովքեր ցանկություն ունեն մասնակցելու, խնդրում եմ Դեմիրճյանի մուքտի մոտ հավաքվենք, որպեսզի կարողանանք կազմակերպված ձևով մեկնենք տարածք»,- ասել է Բաբլոյանը։

Հիշեցնենք, որ ՀՀ գյուղատնտեսության նախարարության «Հայանտառ» ՊՈԱԿ-ը կազմակերպել է համահայաստանյան ծառատունկ, որը կկայանա սույն թվականի նոյեմբերի 4-ին։

«Հայանտառ» ՊՈԱԿ-ի լրատվական ծառայություն